बुलढाणा दि 18– उंदीर मारण्याचे औषध घेऊन तरुणाने आत्महत्या केल्याची घटना घडली
मेहकर तालुक्यातील जानेफळ येथे ही घटना धाडली घडली आहे. वैभव सुभाष खरात(२५, रा.जानेफळ, ता. मेहकर) असे या मृत तरुणाचे नाव आहे.
वैभव हा अविवाहित होता. परिसरात इलेक्ट्रिक फिटिंगचे तो काम करत होता. शनिवारी त्याने उंदीर मारण्याचे औषध खाल्ले होते. ही बाब कुटुंबियांच्या लक्षात येताच त्याला मेहकर येथे रुग्णालयात भरती करण्यात आले होते. मात्र प्रकृती चिंताजनक असल्याने त्याला बुलडाणा येथील एका खाजगी रुग्णालयात हलविले तेथे त्याच्यावर उपचार सुरू होते. मात्र औषध मोठ्या प्रमाणावर खाल्ल्याने उपचाराला प्रतिसाद मिळाला नाही. आज १८ जुलैच्या पहाटे उपचारादरम्यान त्याचा मृत्यू झाला.
