16 आरोपींकडून पाच लाखांचे साहित्य जप्त
अकोले प्रतिनिधी
स्थानिक गुन्हे शाखेच्या पथकाने अकोले शहरातील बिंगो ऑनलाईन जुगारावर छापे टाकले १६ आरोपींकडून सुमारे पाच लाख रूपयांचे जुगाराचे साहित्य जप्त केले आहे. या आरोपींविरुद्ध अकोले पोलिस ठाण्यात गुन्हा दाखल करण्यातआला आहे. पोलिस अधीक्षक सोमनाथ घार्गे यांनी स्थानिक गुन्हे शाखेचे पोलीस निरीक्षक किरणकुमार कबाडी यांना जिल्ह्यातील अवैध धंद्यावर कारवाई करण्याचे आदेश दिलेले आहेत.
त्यानुसार कबाडी यांनी उपनिरीक्षक अनंत सालगुडे, पोलीस अंमलदार गणेश लोंढे, भाऊसाहेब काळे, सागर ससाणे,आकाश काळे, अरुण मोरे यांचे पथक तयार करून ठिकठिकाणी कारवाई केली
. अकोले शहरात बसस्थानकासमोर नवले कॉम्प्लेक्समधील एका गाळ्यात काही लोक ऑनलाईन बिंगो, मटका व डॉलर नावाचा हार जितीचा जुगार खेळत व खेळवित असल्याची माहिती मिळाली. पथकाने संबंधित ठिकाणी जावून खात्री केली असता आरोपी नितीन निवृत्ती गायकवाड (रा. इंदिरानगर,अकोले), अमोल मारुती मोहिते (रा. इंदिरानगर, अकोले), वैभव राजेंद्र अकोले), अक्षय बाबासाहेब सकट (रा.शिवाजीनगर, अकोले), गोपी भाऊराव आवारी (रा. धामनगाव, अकोले),अरबाज मोहम्मद शेख (रा. शिवाजी चौक, अकोले), आकाश संजय परदेशी (रा. कुंभारवाडा, अकोले), रमेश एकनाथ फापाळे (रा. लिंगदेव,अकोले), अनिल बाळू पवार (रा. शाहुनगर, अकोले), विकास दत्तात्रय आबरे (रा. गणोरे, अकोले), खंडू केरु सदगीर (रा. खिरवीरे, अकोले), शशीकांत मुरलीधर बेनके (रा. खिरवीरे, अकोले), अशोक राजेंद्र जगताप (रा. शिवाजी महाराज चौक, अकोले), गणेश हौसराव साबळे (रा. शनि मंदीरच्यापाठीमागे, अकोले), अतुल जालींदर नवले (रा. अगस्ती आगार, अकोले) हे चार लाख ९८ हजार ७०० रुपये किंमतीचे
जुगार साहित्यासह ऑनलाईन बिंगो,मटका व डॉलर नावाचा जुगार खेळताना व खेळविताना मिळून आले. त्यांच्याविरुद्ध पोलिस कॉन्स्टेबल आकाश राजेंद्र काळे यांच्या फिर्यादीवरून अकोले पोलीस ठाण्यात गुन्हा दाखल करण्यात आला आहे.
दरम्यान अकोले तालुक्यात स्थानिक पोलिसांच्या आशीर्वादाने अवैद्य व्यवसाय सुरूच असल्याचे गुन्हे शाखेच्या कारवाईमुळे समोर आले आहे
———–
