अकोले तालुक्यात अवैध दारू विक्री थांबेना! जिल्हा पोलीस अधीक्षक यांना अकोले भेटीचे निमंत्रण!

अकोले प्रतिनिधी

अनेक प्रयत्न करूनही अकोल्यातील अवैध दारू विक्री थांबत नसल्याने नवीन जिल्हा पोलीस अधिक्षक यांनी समक्ष भेट देऊन यात लक्ष घालावे अशी मागणी अकोले तालुका दारूबंदी आंदोलकांनी केली आहे

या विषयी आता थेट नूतन जिल्हा पोलीस अधीक्षक राकेश ओला यांना पत्र देऊन अकोल्यात भेट देण्याची मागणी केली आहे

आपण लवकरात लवकर राजूर व शाहूनगर येथे भेट देऊन तिथली वस्तुस्थिती बघावी अशी विनंती करत
१) शाहूनगर येथे पुन्हा दारूविक्री सुरू झाल्याने तेथील विक्रेते तातडीने तडीपार करावे व तेथे दारू देणाऱ्या दुकानांवर कारवाई करावी
२) राजूर येथे पूर्णवेळ पोलीस निरीक्षक नियुक्त करून दारूविक्रेत्यावर झालेल्या केसेस एकत्र करून तडीपार प्रस्ताव करावेत
३) राजूरचे अनेक पोलीस दारू विक्रेत्याना सामील असल्याने ज्यांच्या बिट मध्ये दारूविक्री होते त्यांना निलंबित करावे कारण पोलिसांच्या वागण्यानेच तेथील दारू वाढली आहे
४) इंदोरी फाट्यावरील हॉटेल सह्याद्रीमधून दारूविक्री होत असल्याने हे हॉटेल कायमस्वरूपी सील करण्याबाबत आपण इतर विभागांना पत्र द्यावे.हे हॉटेल बंद होणे खूप गरजेचे आहे
आम्ही सतत तक्रारी करून कंटाळलो आहोत. आपण संगमनेर dysp, अकोले राजूर पोलीस स्टेशन यांना
वरील मागण्यांबाबत योग्य ते आदेश द्यावेत. अन्यथा पुढील आठवड्यात आम्ही राजूर पोलीस स्टेशनसमोर आंदोलन करणार आहोत असा इशारा अकोले तालुका दारूबंदी आंदोलकानी दिला आहे