उरण/रायगड
हेमंत सुरेश देशमुख
अभ्यासक्रमातील बारकावे, समजवून घेतल्यास विद्यार्थ्यांचा आत्मविश्वास वाढतो असे प्रतिपादन उरण चे तहसीलदार भाऊसाहेब अंधारे यांनी केले
एकलव्य करियर ॲकॅडमी उरण यांच्या वतीने तहसीलदार श्री भाऊसाहेब अंधारे यांच्या मार्गदर्शनाखाली पोलीस भरती प्रशिक्षणाचे आयोजन करण्यात आले होते.
या प्रशिक्षण शिबीराचे प्रास्ताविक एकलव्य ॲकॅडमीचे संस्थापक श्री राम चव्हाण यांनी केले यावेळी तहसीलदार श्री. भाऊसाहेब अंधारे यांनी पोलिस भरती संदर्भात मार्गदर्शन करताना थेरी आणि मैदानी तयारी तसेच अभ्यासक्रमातील अनेक बारकावे, , अंकगणितातील टॅक्टीज समजवून सांगीतल्या त्यामुळे विद्यार्थ्यांचा आत्मविश्वास वाढण्याकरिता नक्कीच मदत झाली
या कार्यक्रमा मध्ये उरण सामाजिक संस्थेचे सरचिटणीस संतोष पवार उपस्थित होते त्यांनी मुलांना आपल्या आईवडिलांच्या कृपाछत्राखाली मिळत असलेले सहकार्य विचारात घेऊन फक्त दोन महिने उद्दिष्ट प्राप्तीसाठी असताना सातत्यपूर्ण प्रचंड मेहनत घेतली तर पुढील ४० ते ५० वर्षे आपले जीवन सुरक्षित होईल असे सांगितले
जिल्हाधिकारी श्री. महेंद्र कल्याणकर यांच्या संकल्पनेतून गरुड झेप स्पर्धा परीक्षेच्या अभ्यासिके बाबत तसेच ऑनलाईन ॲप बाबतची माहिती दिली, या कार्यक्रमाप्रसंगी जिल्हा परिषद सदस्य श्री विजय भोईर, श्री विकास भोईर उपस्थित होते.
यावेळी ॲकॅडमीच्या माध्यमातून ज्यांनी उद्दिष्ट साध्य केलेले ४ पीएसआय १९ पोलिस काॅन्स्टेबल यांनी यश संपादन केले आहे त्यापैकी जे उपस्थीत होते त्यांना तहसीलदार श्री भाऊसाहेब अंधारे यांच्या हस्ते सन्मानित करण्यात आले..
