कोतुळ प्रतिनिधी
कोतूळ(ता.अकोले) येथील श्री वरदविनायक मंदिरात जय भवानी संकृती संवर्धन मंडळ व श्री वरदविनायक देवस्थान कोतूळ यांच्या वतीने गणेश जयंती निमित्त विविध धार्मिक कार्यक्रमांचे आयोजन करण्यात आले आहे.
यंदाचा गणेश जन्मोत्सव बुधवार २५ जानेवारी ला असून गणेश जयंतीनिमित्त पहाटे भूपाळी गायन,सकाळी श्री.अमोल आभाळे यांच्या हस्ते अभिषेक व महापूजा व त्यानंतर सकाळी दहा ते दुपारी तीन पर्यंत वेदमूर्ती नरेंद्र जाखडी यांच्या नेतृत्वाखाली गणेश याग,सायंकाळी भव्य पालखी सोहळा, संध्याकाळी सात वाजता सौ.सुप्रिया व रावसाहेब वाकचौरे उपाध्यक्ष अमृत सागर दूध संघ यांच्या हस्ते महा आरती व नंतर महाप्रसाद (भंडारा) यात भोजना बरोबर अकरा हजार मोदकांचे वाटप महिला वर्गा मार्फत करण्यात येणार आहे.रात्री कोतूळ परिसरातील भजनी मंडळ यांच्या भजनाचे आयोजन करण्यात आले आहे.
नवसाला पावणारा गणपती म्हणून हा गणपती पंचक्रोशीत प्रसिद्ध आहे.दर मंगळवारी व चतुर्थीला भाविक गणपतीला कौल लाऊन नवीन कामाची सुरवात करतात. दोन वर्ष कोव्हीड सावटा नंतर सर्व व्यवहार सुरळीत झाल्या नंतर आलेल्या गणेश जयंती असल्याने तीला विशेष महत्व आहे.सध्या मंदिराच्या जीर्निधाराचे काम सुरु असून भाविकांसाठी विविध सोई करण्याचा देवस्थानचा प्रयत्न आहे.भाविकांनी दर्शन व महाप्रसादाचा लाभ घ्यावा असे आवाहन श्री वरदविनायक देवस्थानच्या वतीने अध्यक्ष प्रदीप भाटे, प्रा.संभाजी पोखरकर, विनय समुद्र,वासुदेव साळुंके,,संतोष नेवासकर,विजय तोरकडे,,सचिन पाटील,विशाल बोऱ्हाडे,विजय वैद्य,दीपक राउत,कुलदीप नेवासकर,निवृत्ती पोखरकर,गणेश आरोटे,आकाश तोरकडे,,गणेश पोखरकर,अशोक देशमुख,अनिल पाठक आदींनी केले आहे.
