दत्ता ठुबे
पारनेर प्रतिनिधी:-
पारनेर तालुक्यातील सामाजिक, धार्मिक, शैक्षणिक क्षेत्रात अग्रेसर असणाऱ्या काकनेवाडी येथे सालाबाद प्रमाणे यंदाही 10 व्या वर्षी शंभूराजे मित्र मंडळ व ग्रामस्थांच्या सहकार्यातून शिवजयंती चे आयोजन करण्यात आले आहे.
शनिवारी दिनांक 18 रोजी रात्री गावातील युवक शिवजन्म स्थळ,किल्ले शिवनेरी येथे शिवज्योत आणण्यासाठी रॅलीचे आयोजन करण्यात आले आहे.
जयंती दिनी शालेय विद्यार्थ्यांची प्रभात फेरी, महाराजांच्या प्रतिमेचे पूजन, गुणवन्त विद्यार्थांचा, तसेच मुख्याध्यापक आणि मार्गदर्शक शिक्षक यांच्या सत्काराचे आयोजन शंभूराजे मित्र मंडळाच्या वतीने करण्यात येणार आहे.तसेच वैद्यकीय आणि पशुवैद्यकीय क्षेत्रात योगदान देणाऱ्या मान्यवरांचाही सन्मान यावेळी काकनेवाडी ग्रामस्थ आणि मंडळाच्या वतीने करण्यात येणार आहे.
नंतर मनोहर डोळे नेत्रालय यांच्या सहकार्याने मोफत नेत्र तपासणी शिबिराचे आयोजन करण्यात आले आहे. तरी सर्वानी या शिबिराचा लाभ घेण्याचे आवाहन मंडळाचे अध्यक्ष गवरामशेठ वाळुंज यांनी केले आहे.
शिवजयंती निमित्त प्रमुख पाहुणे राणीताई लंके (जि. प सदस्य), उमाजी वाळुंज ,मा उपसभापती पारनेर ,विजुभाऊ औटी (नगराध्यक्ष ,नगरंचायत पारनेर) .सूर्यकांत बबन पवार (पश्चिम मुंबई अध्यक्ष), भाजपा,ह.भ.प. दादाभाउ महाराज वाळुंज, सखाराम सर ( एंजल हायस्कुल बांद्रा,मुंबई) डॉ. सोमनाथ सोबले , डॉ.विजय पुरी ,डॉ. मंगेश वाळुंज,डॉ. संदीप देठे, शिवाजी ना.वाळुंज (मा शिक्षण अधिकारी) यांची प्रमुख उपस्थिती राहील अशी माहिती शिवजन्मोत्सव समिती अध्यक्ष राहुल बाळासाहेब वाळुंज यांनी दिली.
छत्रपती शिवाजी महाराज जयंती निमित्ताने पवार वस्ती येथे शंभूराजे राजे मित्र मंडळाच्या वतीने भव्य टेनिस बॉल क्रिकेट स्पर्धांचे आयोजन करण्यात आले आहे.
संध्याकाळी भव्य मिरवणूक तसेच प्रसिद्ध शिवव्याख्याते राहुल शिंदे (गुरुजी) यांच्या व्याख्यानाचे आयोजन करण्यात आले आहे. व्याख्यान संपल्यानंतर महाप्रसाद असल्याची माहिती मंडळाचे मार्गदर्शक ह.भ.प.रंगनाथ महाराज वाळुंज यांनी दिली.
