अकोले पोलीस स्टेशनची कामगिरी
अकोले प्रतिनिधी
दिनांक 16.02.2023 रोजी सांयकाळी 06.00 वाजण्याचे सुमारास यातील तक्रारदार हे समशेरपुर येथुन ठाणगाण कडे जात असताना चिचखांड परिसरात चार अज्ञात इसम यांनी
तक्रारदार यांना अडवुन त्यांना गाडीवरुन खाली ढकलुन देवुन मारहाण करुन त्यांचेकडील रोख रक्कम व मोबाईल बळजबरीने हिसकावुन घेवुन त्यांचेकडील दोन मोटार सायकलवरुन पळुन गेले या बाबत अकोले
पोलीस स्टेशन येथे माहिती प्राप्त होताच तात्काळ तपास पथक रवाना करण्यात आले होते. तसेच समशेरपुर
बिट अंमलदार हे समशेरपुर दुरक्षेत्र हद्दीत गुन्ह्याचे तपासात असताना त्यांनी माहिती मिळताच सदर अज्ञात इसम
यांचा शोध सुरु केला.
तक्रारदार यांचे तक्रारीवरुन पोलीस स्टेशनला गुरनं 86/2023 भा.द.वि. कलम 394,34 प्रमाणे गुन्हा दाखल करण्यात आला होता.
झालेल्या प्रकाराची बिट अंमलदार यांनी तात्काळ
समशेरपुर दुरक्षेत्र हद्दीत गावातील लोंकाना फोनव्दारे माहिती देवुन चार अज्ञात इसमांचा शोध सुरु ठेवला. सदर
अज्ञात आरोपींचा शोध सुरु असताना ते मुथाळणे गावाचे परिसरात डोंगरात लपलेले असल्याची माहिती
मिळाल्याने अकोले पोलीस स्टेशनच्या तपास पथकाने स्थानिक ग्रामस्थांचे मदतिने त्यांचा शोध घेतला असता
सदर अज्ञात आरोपी हे अंधाराचा व भौगोलिक परिस्थितीचा फायदा घेवुन त्यांचेकडील मोटार सायकल सोडुन
पोलीसांचे नजरेआड झाले होते. पोलीसांनी स्थानिक ग्रामस्थांचे मदतीने सदर अज्ञात आरोपींपैकी 3 आरोपींना पकडण्यात यश आले. त्यातील एक आरोपी हा फरार झाला होता. सदर आरोपींचा गुन्ह्यात सहभाग आढळुन आल्याने त्यांना अटक करुन मा. न्यायालयासमोर हजर केले असता मा. न्यायालयाने त्यांना दि. 22.02.2023 रोजी पर्यंत
पोलीस कोठडी दिली होती.
सदर गुन्ह्याचे तपासात फरार आरोपी नं 4 याला पकडण्यात यश आले असुन सदर आरोपीतांकडुन
गुन्ह्यात गेलेली रोख रक्कम, फिर्यादीचा मोबाईल फोन, गुन्ह्यात आरोपीतांनी वापरलेली वाहने व मोबाईल फोन
असा एकुण 2,03380/- रुपये किमंतीचा मुद्देमाल जप्त करण्यात आला आहे.
सदर चारही आरोपींचे नावे
1) अविन उर्फ बाळ्या कारभारी विधाते वय 28 वर्षे, 2)लखन डेरासिंग माचरेकर वय 25 वर्षे, 3)प्रेम विजय वाल्हेकर वय 21 वर्षे,4) प्रशांत मंगलदास गिऱ्हे वय 22 वर्षे, सर्व रा घुलेवाडी ता संगमनेर जि अ.नगर हे निष्पन्न झाले आहे. तसेच यातील आरोपी नं 1 अविनाश उर्फ बाळ्या कारभारी विधाते याचेवर संगमनेर पोलीस स्टेशन येथे मालाविरुदधचे गुन्हे दाखल असुन तो सराईत गुन्हेगार आहे.
सदरचा प्रकरणी तपासी पथकाने जलदगतीने तपास करुन स्थानिक ग्रामस्थांचे मदतीने सदरचा गुन्हा यशस्वी रित्या उघडकीस आणला आहे.
सदर आरोपीतांकडुन अजुनही गुन्हे उघडकीस येण्याची शक्यता आहे. सदरची कारवाई पोलीस अधिक्षक श्री राकेश ओला व अपर पोलीस अधिक्षक स्वाती भोर मॅडम उपविभागीय पोलीस अधिकारी श्री सातव यांचे मार्गदर्शनाखाली अकोले पोलीस स्टेशनचे प्रभारी अधिकारी सपोनि मिथुन घुगे, पो उ पनिरी भुषण हांडोरे, अकोले पोलीस स्टेशन नेमणुकीचे, पो ना अजित घुले, पो ना रविंद्र वलवे, पो का प्रदिप बढे, पो ना विठ्ठल शेरमाळे, पो कॉ
अविनाश गोडगे, पो कॉ सुयोग भारती, पो कॉ आनंद मैड, पो कॉ आत्माराम पवार, पो कॉ संदिप भोसले,
पो ना सोमनाथ पटेकर, पो ना गोविंद मोरे यांनी केली असुन पुढील तपास पोलीस उपनिरीक्षक भुषण हांडोरे हे करीत आहे.
