अकोले-आज शनिवार दिनांक ०९ ऑगस्ट २०२५ रोजी शासकीय माध्यमिक आश्रमशाळा रतनवाडी (युनिट-मुतखेल) तालुका अकोले येथे गावच्या सरपंच श्रीम.दिपालीताई रोंगटे,शाळा व्यवस्थापन समिती अध्यक्ष श्री.महादु मोहरे,अशोक भांगरे,मंदा इदे ,लक्ष्मण भोये, माजी सरपंच सौ.इदे.नामदेव टोकरे,जनार्दन टोपले,गुलाब गावीत, अंबादास जाधव, फुलदास गावीत, मंदाबाई लालु इदे,रुख्मिनी इदे,तसेच पंचक्रोशीतील ग्रामस्थ,तसेच त्रिंबकेश्वर तालुक्यातील कडेगव्हान,मुरंबी,या भागातील विविध पालक उपस्थिती होते. कार्यक्रमात प्रथम गावातून ढोल ताशांच्या गजरात विविध क्रांतिकारकांची वेशभुषा करून प्रभातफेरी काढण्यात आली. तद्नंतर आयोजित रांगोळी प्रदर्शन व चित्रकला प्रदर्शनाचे उद्घाटन उपस्थित मान्यवरांनी केले.तद्नंतर सांस्कृतिक कार्यक्रम मान्यवरांच्या उपस्थितीत पार पडला.यात आदिवासीं क्रांतिकारकांच्या प्रतिमा पूजनानंतर विद्यार्थी भाषणे व आदिवासी गितांचा सांस्कृतिक कार्यक्रम पार पडला. कार्यक्रमात अध्यक्ष व प्रमुख पाहूने व विविध मान्यवरांनी क्रांतिकारकांच्या कार्याचा आढावा आपल्या भाषणात घेतला.
कार्यक्रमाचे सुत्रसंचलन श्रीम. सुरेखा रासणे यांनी केले तर श्रीम. सुजाता देशमुख यांनी प्रास्ताविक केले तर
मुख्याध्यापक श्री आदिनाथ सुतार सर यांनी गत शैक्षणिक वर्षांतील शाळा विकास व शैक्षणिक प्रगतीचा आढावा घेतला.कार्यक्रमाच्या शेवटी श्री.जगदीश बेळगे यांनी उपस्थित मान्यवरांचे आभार मानले.कार्यक्रमासाठी बाबासाहेब लोंढे, जनार्दन मगर,रंजित बागुल,खाडे सिस्टर,श्रीम.शिंदे ,सुजाता देशमुख अविनाश बनसोडे,गोरक्ष भोमले,मच्छिंद्र बोडखे,यांनी परीश्रम घेतले तर
कार्यक्रमास पालकांची उपस्थिती उस्फूर्त होती.
