कोतुळ प्रतिनिधी
अकोले तालुक्यातील कोतुळ ग्रामपंचायतच्या पोटनिवडणुकीत एका जागेसाठी निवडणूक झाली. वार्ड क्रमांक पाच मधील एका जागेसाठी झालेल्या निवडणुकीत आमदार किरण लहामटे यांच्या गटाचा पराभव झाला तर माजी आमदार वैभवराव पिचड यांच्या गटाने बाजी मारली
वार्ड क्रमांक पाच मध्ये तत्कालीन ग्रामपंचायत सदस्य शंकर घोलप हे दोन पेक्षा अधिक अपत्य च्या कारणाने अपात्र ठरल्याने या जागेची पोटनिवडणूक झाली पोटनिवडणुकीमध्ये भाजपाचे माजी आमदार वैभवराव पिचड समर्थक गटाचे सागर बाळासाहेब घोलप हे तर आमदार किरण लहामटे समर्थक गटाचे गणेश नारायण खरात या दोन उमेदवारांमध्ये सरळ लढत झाली या लढतीमध्ये सागर बाळासाहेब घोलप हे 51 च्या मताधिक्याने निवडून आले या सरळ होणाऱ्या लढतीकडे अनेकांचे लक्ष लागले होते झालेल्या 721 मतदाना पैकी सागर घोलप यांना 380 तर गणेश खरात यांना 329 मते मिळाली
सागर घोलप यांच्या बाजूने जिल्हा परिषदेचे माजी उपाध्यक्ष सिताराम पाटील देशमुख सेवानिवृत्त प्रशासकीय अधिकारी बी. जे. देशमुख ,युवानेते राजू पाटील देशमुख ,शंकर घोलप, भरत देशमाने आदी पिचड समर्थकांच्या गटाने या निवडणुकीत लक्ष घातले तर राष्ट्रवादी काँग्रेस (अजितदादा गट) चे आमदार डॉ किरण लहामटे समर्थक ग्रा प सदस्य बबलू देशमुख, उपसरपंच संजय देशमुख, अगस्तीचे संचालक मनोज देशमुख ,कोतुळ सोसायटीचे व्हा चेअरमन रघुनाथ जाधव यांनी निवडणुकीत लक्ष घातले पोट निवडणूक असल्याने निवडणुकीत मतदारांमध्ये उत्साह नव्हता मात्र दोन गटात सरळ लढती मुळे दोन्ही गटांचा छुपा प्रचार सुरू होता यामुळे या निवडणुकीकडे अनेकांचे लक्ष लागले होते विजयानंतर पिचड समर्थकांनी कोतुळ येथे फटाके फोडून जल्लोष साजरा केला विजयी मिरवणूक काढली
माजी आमदार वैभवराव पिचड यांनी नवनिर्वाचित ग्रामपंचायत सदस्य सागर बाळासाहेब घोलप यांचा सत्कार केला व कार्यकर्त्यांनी घेतलेल्या परिश्रमा बद्दल आभार मानले
कोतुळ ग्रामपंचायत पोट निवडणुकीत सर्वसामान्य जनतेने भाजपाचे माजी आमदार वैभवराव पिचड यांच्या नेतृत्वावर विश्वास ठेवून कोतूळेश्वर लोकसेवा मंडळाच्या उमेदवाराला संधी दिली या संधीचा उपयोग सामान्य जनतेसाठी केला जाईल
सर्वसामान्यांच्या विकास कामासाठी ,सर्व समाज घटकाने वैभवराव पिचड यांचे नेतृत्वा वर विश्वास व्यक्त करणारा हा जनतेचा कौल मिळाला असल्याचे युवा नेते राजेंद्र पाटील देशमुख यांनी सांगितले
