परिस्थिती नावाची शाळा मानसाला आयुष्यात योग्य शिक्षण देते-उपसरपंच मारूती काळे.
अकोले/प्रतिनिधी–
आयुष्यात आभाळा एवढी उंची गाठा,पण कधीच जन्मलेल्या गावाला आणि अनुभवलेल्या गरिबीला विसरू नका.परिस्थितीवर मात करा,कारण परिस्थिती नावाची शाळा मानसाला आयुष्यात योग्य शिक्षण देते.असे प्रतिपादन नवविर्वाचित उपसरपंच मारूती काळे यांनी केले.
अकोले तालुक्यातील महालक्ष्मी माध्यमिक व उच्च माध्यमिक विदयालय पिंपळगाव नाकविंदा येथे नुतन ग्रामपंचायत सरपंच,उपसरपंच,सदस्य यांचा सत्कार समारंभ संपन्न करण्यात आला यावेळी येथील उपसरपंच मारूती काळे विचारमंच्यावरून बोलत होते.
याप्रसंगि कार्यक्रमाचे अध्यक्ष अॅड.वसंतराव मनकर हे होते. यावेळी संस्थेचे सचिव मंगेश नवले,माजी सरपंच बबनराव आभाळे,भाऊसाहेब कासार,राधाकिसन लगड, मारूती आभाळे,राम लगड,शिवराम सदगिर,लोकनियुक्त सरपंच लक्ष्मण सोंगाळ, सदस्य नवनाथ जाधव, शिवराम मेंगाळ,अलका आभाळे आदींसह प्राचार्य सुनिल धुमाळ, राज्यपंच अनिल चासकर, शिक्षक बँकेचे व्हा.चेअरमन अण्णासाहेब ढगे तसेच सर्व शिक्षक व शिक्षकेतर कर्मचारी,विदयार्थी यावेळी उपस्थित होते.
उपसरपंच मारूती काळे यांनी पुढे मार्गदर्शन करताना आयुष्याच्या वाटेवरचा प्रवास कधीच ठरवून होत नसतो.जशी वळण येतील तस वळावच लागते.त्यामुळे शालेय शिस्त पाळा.गरीबीची जाणीव ठेवा असे विचार व्यक्त करून या विदयालयातील विदयार्थी मोठया पदांवरती कार्यरत असल्याचा आभिमान व्यक्त केला.
अध्यक्ष अॅड.वसंत मनकर यांनी चांगले विचार आत्मसात करा.जिवनात चांगल्या माणसांना शोधू नका तर स्वतःचांगले व्हा.कारण चांगले काम करणारा माणूस कधीच सन्मान मागत नाही.त्याचे कार्यच त्याला सन्मानास पात्र बनवते.असे विचार व्यक्त करत यापुढेही दर्जेदार शिक्षण मिळण्यासाठी प्रयत्नशिल असल्याचे सांगितले.
सचिव मंगेश नवले यांनी विदयालय आपल्या सर्वांच्या सहकार्यानेच उभे राहीले.विदयालयाचे नाव उंचावण्यासाठी शिक्षकांचा वाटा महत्त्वाचा आहे.त्यास अधिक सकारात्मकतेने पुढे जाण्यास बळ देऊ असे मत व्यक्त केले.
बबनराव आभाळे,भाऊसाहेब कासार यांनी समाजात नावलौकीक वाढत असल्याची अनेक उदा.देऊन या कालखंडात चांगल्या,कर्तव्यदक्ष व्यक्ती एकत्र आल्याने ग्रामविकासासाठी सर्व पदाधिकाऱ्यांना शुभेच्छा दिल्या.
कार्यक्रमाचे प्रास्ताविक व स्वागत प्राचार्य सुनिल धुमाळ यांनी केले. रामदास कासार यांनी सुत्रसंचलन केले.तर विजय भालेराव यांनी उपस्थितांचे आभार मानले.
