पुणे – महावितरण व महापारेषण वीज कंपन्यांत 15 ते 20 वर्ष अनुभवी वीज कंत्राटी कामगारांना आरक्षण व वयात सवलत न देताच प्रशासनाने भरती प्रक्रिया राबवण्यास सुरूवात केली आहे या मुळे गेल्या 15/20 वर्षं पासून रिक्त पदांवर कामाच्या गरजेप्रमाणे अल्प पगारावर काम करण्यारा कामगारांवरच घाला घालून सरकारने दिलेल्या आश्वासनांचा विसर पडला आहे,
त्यामुळे या कंत्राटी कामगारांना नोकरीत कायम करून राज्यातील कंत्राटी कामगारांना न्याय द्यावा ही अशी मागणी महावितरण कार्यालय रास्ता पेठ पुणे येथे झालेल्या आंदोलनात करण्यात आली यावेळी महाराष्ट्र विज कंत्राटी कामगार संघ चे संघटन मंत्री ऊमेश आणेराव , भारतीय मजदूर संघ पुणे जिल्हा अध्यक्ष अर्जुन चव्हाण पुणे झोन अध्यक्ष सुमीत कांबळे, सेक्रेटरी निखिल टेकवडे, उपाध्यक्ष प्रवीण पवार, सेक्रेटरी मार्गदीप मस्के यांनी केले आहे. या वेळी महावितरण व महापारेपण कंपनी ने घोषित केलेल्या भरती प्रकीया जाहिराती ची होळी करून, घोषणा देवुन त्रिव निदर्शने केली.
महाराष्ट्र वीज कंत्राटी कामगार संघ (संलग्न भारतीय मजदूर संघ) या साठी डिसेंबर 2014 पासून तत्कालीन ऊर्जामंत्री मा.चंद्रशेखर बावनकुळे यांच्या कडे पाठपुरावा केला, तत्कालीन ऊर्जामंत्री .चंद्रशेखर बावनकुळे यांनी 22 एप्रिल 2015 रोजी कंत्राटदार विरहित Nominal Muster roll ( NMR ) मनोज रानडे समितीचा अहवाल आला यात कंत्राटदार विरहित रोजगार व आरक्षण देण्याची शिफारस केली होती.
4 जानेवारी 2023 रोजी खाजगीकरणा च्या पार्श्वभूमीवर सह्याद्री शासकीय निवास स्थानी झालेल्या बैठकीत उपमुख्यमंत्री तथा ऊर्जामंत्री मा.ना.देवेंद्रजी फडणवीस यांनी कंत्राटी कामगारांना वयात सवलत देण्याचे मान्य केले. त्यांचा वेतनाचा पैसा त्यांना मिळेल असे घोषित केले. कंत्राटी कामगारांच्या करिता वयाच्या निकशात विशेषत बाब म्हणून प्राधान्य देण्यात येईल असे आस्वासन दिले आहे तसेच कंत्राटी कामगार संघाची बैठक घेऊ असे आश्वासन दिले होते ,
केलेल्या सूचनेला केराची टोपली दाखवत वीज कंपनी प्रशासनाने या कंत्राटी कामगारांच्या पाठीत खंजिर खुपसल्याची भावना सर्व कष्टकरी कंत्राटी कामगार विश्वात झाली आहे.
ऊन,थंडी,वारा,पाऊस, कोरोना काळात जीवाची पर्वा व तमा न बाळगता जनतेला अखंडित व सुरळीत वीज पुरावठा करतांना शेकडो कंत्राटी कामगार मृत्यु मुखी पडले, अनेक जण अपंग झाले. मात्र त्यांना देखील सरकारने आर्थिक मदत केली नाही. शिवाय आता महापारेषण कंपनीत 1903 व महावितरण मध्ये 5815 जागा अशा एकूण 7718 पदांची भरती काढून एवढ्या कामगारांना बेरोजगार करण्याचा घाट प्रशासनाने मांडला आहे.
या घटनेचा निषेध करण्यासाठी
महाराष्ट्र वीज कंत्राटी कामगार संघ (संलग्न भारतीय मजदूर संघ) संघांच्या वतीने या भरती प्रक्रियेच्या जाहिराती ची होळी करून निषेध व्यक्त केला आहे.
या वेळी भारतीय मजदूर संघ पुणे जिल्हा अध्यक्ष श्री अर्जुन चव्हाण, महाराष्ट्र विज कंत्राटी कामगार संघांचे सरचिटणीस सचिन मेंगाळे, संघटन मंत्री ऊमेश आणेराव, कोषाध्यक्ष सागर पवार, पुणे झोन अध्यक्ष सुमीत कांबळे, सेक्रेटरी निखिल टेकवडे, मार्गदीप मस्के, प्रवीण पवार, शेकडो कामगार उपस्थित होते.
.ना.ऊर्जामंत्री देवेंद्रजी फडणवीस यांनी बैठक आयोजित करून कंत्राटी कामगारांना न्याय द्यावा ही अशी मागणी केली आहे अन्यथा महाराष्ट्र राज्यात सर्व जिल्हा स्थानी तीव्र। आंदोलन करण्याचा इशारा संघटनेचे सरचिटणीस सचिन मेंगाळे यांनी दिलेला आहे .
