शिवजयंती निमित्त आयोजित ‘बालशिवाजी वेशभूषा स्पर्धेस’उत्स्फूर्त प्रतिसाद.

.
‘

सोलापूर : पूर्वभागातील साखर पेठ येथील सरस्वती अकॅडमी ऑफ अकौंटन्सी मध्ये पार पडलेल्या बालशिवाजी स्पर्धेमध्ये वय वर्षे ५ ते १० या वयोगटातील मुलांनी आणि मुलींनी बालशिवाजी वेशभूषा करून स्पर्धेत उत्स्फूर्त प्रतिसाद नोंदविला. सदर स्पर्धेत बाल शिवाजी वेशभूषा करून आलेल्या मुलांनी व मुलींनी भाषण तसेच छत्रपती शिवाजी महाराजांच्या गीतावर नृत्य सादरीकरण केले. शिवगर्जना तसेच पोवाड्याचे गायन केले. तसेच बरेच मुलांनी मावळे बनून व ‘रितिका कलागते’ या मुलीने जिजामाताची वेशभूषा करून नृत्य सादरीकरण केले.

या स्पर्धेमध्ये ‘विराट काकडे’ याने प्रथम क्रमांक, ‘विहान भालेराव’ याने द्वितीय क्रमांक, ‘स्वरूप पवार’ याने तृतीय क्रमांक मिळवून पारितोषिक मिळविले. तसेच हर्षवर्धन कलागते, आदर्शकुमार परळकर, अविरत बेनुरे, शुभ्रा परळकर, वैभव साठे, पार्थ क्षीरसागर, विराज सुरवसे इत्यादींनी उत्तेजनार्थ बक्षीस मिळविले. बक्षीस प्राप्त व सहभागी झालेल्या प्रत्येक मुलांना व मुलींना प्रमाणपत्राचे वाटप करण्यात आले. या स्पर्धेसाठी परीक्षक म्हणून तुकाराम जाधव, सारिका जाधव, अविनाश जतकर यांनी काम पाहिले. लोकेश केंचकुंडी, ऋषिकेश चिंता, वम्सीकृष्णा येमूल, सनी शहापूरकर, कार्तिकेय बटगिरी, श्रीनिल मोने, शौर्य दुधगुंडी यांच्यासह आदी मुलांनी मावळे बनून नृत्य सादर केले.

छत्रपती श्री शिवाजी महाराज यांच्या जयंतीचे औचित्य साधून ही अनोखा स्पर्धा आयोजित करण्यात आले होते. यावेळेस सरस्वती अकॅडमी ऑफ अकौंटन्सीचे संचालक प्रा. मल्लिकार्जुन परळकर, रजनी कणकी, महालक्ष्मी आडकी इ. व श्री मार्कंडेय सोशल फाउंडेशनचे संस्थापक अध्यक्ष गौरीशंकर कोंडा यांच्या संकल्पनेतून ही स्पर्धा आयोजित करण्यात आले आहे. फाउंडेशनचे उपाध्यक्ष श्रीनिवास कामुर्ती, किशोर व्यंकटगिरी, श्रीनिवास पोटाबत्ती यांच्यासह आदींची उपस्थिती होते.