संगमनेर दि14
नूतन कला वाणिज्य व विज्ञान महाविद्यालय राजापूर येथे दिनांक 13 सप्टेंबर 2024 रोजी विद्यार्थी विकास मंडळ व IQAC विभागामार्फत प्रसिद्ध व्याख्याते प्रा. निलेश परबत यांचे ‘महाविद्यालयीन जीवन सुंदर आहे’ या विषयावर व्याख्यानाचे आयोजन करण्यात आले. सदर कार्यक्रमासाठी अँड .अनिल गोडसे हे अध्यक्षस्थानी उपस्थित होते.
विज्ञान विभाग प्रमुख प्रा. सुभाष वर्पे यांनी प्रास्ताविकात कार्यक्रमाचा उद्देश समजावून सांगितला महाविद्यालयाचे प्राचार्य डॉ.सुभाष कडलग यांनी आपल्या मनोगतात राष्ट्रीय शैक्षणिक धोरणासंबंधी विद्यार्थ्यांना माहिती दिली तसेच NEP मध्ये झालेले शैक्षणिक बदल, येणाऱ्या अडचणी याविषयी विद्यार्थ्यांशी संवाद साधला. प्राध्यापक निलेश परबत यांनी आपल्या व्याख्यानात विद्यार्थ्यांनी विविध महाविद्यालयीन कार्यक्रम ,उपक्रम यात प्रत्यक्ष सहभागी होऊन आपण आपले जीवन कसे सुंदर बनवू शकतो याविषयी मार्गदर्शन केले. महाविद्यालयीन जीवनात आनंदा बरोबरच आपल्या शैक्षणिक प्रगतीकडे सुद्धा लक्ष देण्याची गरज व्यक्त केली.
कार्यक्रमाचे सूत्रसंचालन परीक्षा विभाग अधिकारी प्रा. वैभव गडाख यांनी केले .या कार्यक्रमासाठी IQAC समन्वयक डॉ. संगीता जांगिड यांचे मोलाचे सहकार्य लाभले. कार्यक्रमाच्या यशस्वीतेसाठी विद्यार्थी विकास अधिकारी डॉ. प्रवीण आहेर व प्रा. अमोल खरात यांनी प्रयत्न केले. या कार्यक्रमासाठी महाविद्यालयातील सर्व शिक्षक, शिक्षकेत्तर कर्मचारी व विद्यार्थी मोठ्या संख्येने उपस्थित होते.
