दत्तात्रय शिंदे
माका प्रतिनिधी
जिल्हा परिषद प्राथमिक शाळा माका येथे आज जागतिक योग दिन उत्साहात साजरा करण्यात आला.
या कार्यक्रमाचे आयोजन जिल्हा परिषद प्राथमिक शाळा च्या मुख्याध्यापिका व कृषि महाविद्यालयाचे प्राचार्य डॉ. प्रकाश तुरभटमट सर व तसेच कार्यक्रम समन्वक प्रा. मनोज माने सर व कार्यक्रम अधिकारी प्रा. संदीप सोनवणे सर कृषी महाविद्यालय भानसहिवरे अंतर्गत कार्यरत असलेल्या कृषीदूतांनी केले होते.
कार्यक्रमाची सुरुवात सूर्यनमस्कार व ओम उच्चारानेकरण्यात आली. विद्यार्थ्यांसह ग्रामस्थ, शिक्षक व कृषीदूतांनी विविध योगासने केली. योग प्रशिक्षक म्हणून डॉ.श्री. संतोष भुजबळ सर आणि कृषीदूतांनी मार्गदर्शन केले व योगाचे शारीरिक व मानसिक आरोग्यावर होणारे फायदे याबाबत सविस्तर माहिती दिली.
शाळेचे मुख्याध्यापिका सौ.अरुणा दशरथवीर व योग प्रशिक्षक डॉ . श्री संतोष भुजबळ सर यांनी विद्यार्थ्यांना नियमित योगाभ्यासाचे महत्त्व पटवून दिले. कृषीदूतांनी ग्रामीण भागातील लोकांमध्ये आरोग्यविषयक जनजागृती करण्याचे उद्दिष्ट ठेवून हा उपक्रम हाती घेतला.
कार्यक्रमाच्या यशस्वी आयोजनाबद्दल ग्रामस्थांनी कृषीदूतांचे व शाळेच्या शिक्षकवृंदांचे अभिनंदन केले.
