अहमदनगर -नेप्ती (ता. नगर )येथे श्री खंडोबाचा शाही विवाह सोहळा येळकोट येळकोट जय मल्हारच्या गजरात मोठ्या भक्ती भाव वातावरणात पार पडला.
नेप्ती येथे गेल्या तीन वर्षापासून हा विवाह सोहळा पार पाडला जात आहे. श्री. खंडोबा रायाची विवाह सोहळ्याची होले परीवार तयारी करतात .. सोहळ्याच्या आदल्या दिवशी श्री. खंडोबारायाला हळद लावली जाते . दुसऱ्या दिवशी श्री खंडोबाची बँड च्या गजरात गावातून मिरवणूक काढण्यात आली. देवाची काठी , घोडा, त्या पाठोपाठ श्री खंडोबाची फुलांनी सजवलेल्या पालखीतून भव्यदिव्य मिरवणूक गावामधून वाजत गाजत काढण्यात आली. यावेळी भाविकांनी खोबरे व भंडाऱ्याची उधळण करीत येळकोट येळकोट जय मल्हार तसेच खंडोबाच्या नावाचं चांगभलं जयघोष केला. देव मंडपात आल्यावर मानकरी बाबासाहेब होले यांनी देवास बोलल्यावर चढविले. उपस्थित सर्व भाविकांमध्ये अक्षदा वाटण्यात आल्या. नारायण औटी यांनी मंगलाष्टके म्हणटली. विवाह सोहळा मोठ्या थाटामाटात झाला. त्यानंतर फटाके वाजवण्यात आली.
विवाह सोहळ्यासाठी परिसरातून आलेल्या भाविकांसाठी होले परिवाराकडून अन्नदानाचे वाटप करण्यात आले. रात्री जागरण गोंधळाचा कार्यक्रम झाला. या लग्न सोहळ्याला देवस्थानचे भक्त बाबासाहेब होले किसन होले, प्रा .एकनाथ होले, नवनाथ होले, भीमराज जपकर ,रंगनाथ जपकर, रंगनाथ गवारे, राहुल गवारे, गोरख जपकर, सदाशिव भोळकर मच्छिंद्र भोळकर, गोपीनाथ होले ,शिवनाथ होले ,संजय राऊत, रघुनाथ चौरे, माजी सरपंच विठ्ठल जपकर, उपसरपंच संजय जपकर, समता परिषदेचे अध्यक्ष रामदास फुले, वसंतराव पवार, ग्रामपंचायत सदस्य ,फारुख सय्यद, दादा चौगुले ,रघुनाथ होळकर,पाराजी चौरे ,देवराम चौरे, अशोक चौरे, नानासाहेब बेल्हेकर, विश्वनाथ होले, शिवाजी शिंदे, हरी शिंदे, शाहूराजे होले, राजू गवारे सोमनाथ राऊत ,सत्तार सय्यद ,जमीर सय्यद आदी गावकरी उपस्थित होते. रात्री जागरण गोंधळाचा कार्यक्रम झाला.
