एकात्मिक शेती पद्धत आणि मधुमक्षिका
पालन यावर केले मार्गदर्शन
नगर प्रतिनिधी
नगर तालुक्यातील आदर्शगाव गड मांजरसुंबा येथे कृषी ग्रामीण (कृषी) जागरुकता आणि कृषी औद्योगिक कार्यानुभव कार्यक्रमाअंतर्गत कृषीकन्या चौधरी धनश्री , गायकवाड प्रज्ञा , कदम अक्षदा , करंडे पूजा , शेळके सरिता , भगत मोनिका , भोर निकिता , होले प्रांजली , घोगरे पूनम , गिरवले प्रेरणा , जाधव वैष्णवी यांनी कृषी मेळाव्याचे आयोजन केले.
महात्मा फुले कृषी विद्यापीठ , राहुरी संलग्नित कृषी महाविद्यालय विळदघाट येथे या विद्यार्थिनी शिक्षण घेत आहेत . कृषी महाविद्यालय विळदघाट चे प्राचार्य डॉ. एम. बी. धोंडे सर यांनी एकात्मिक शेती पद्धत आणि मधुमक्षिका पालन यासंबंधी माहिती दिली . कार्यक्रम समन्वयक प्रा. किरण दांगडे सर यांनी कार्यक्रमाचे प्रास्ताविक मांडले . कार्यक्रम अधिकारी प्रा. पूनम ठोंबरे , प्रा. अर्जुन भोसले , प्रा. सुवर्णा मानकर , प्रा. डी. एम. नलवडे , प्रा. के. बी.मोरे यांच्या मार्गदर्शनाखाली या कृषी कन्यांनी कृषी मेळावा आयोजित केला . त्याचबरोबर मांजरसुंबा गावचे सरपंच सौ. मंगलताई कदम व उपसरपंच श्री. जालिंदर कदम , डोंगरगण गावच्या सरपंच सौ. वैशालीताई मते यांनी कृषी कन्या चे कौतुक व स्वागत केले . कार्यक्रमाचे सूत्रसंचालन कृषी कन्या पूजा करंडे व अक्षदा कदम यांनी केले तसेच आभार प्रदर्शन कृषिदुत अक्षय गिर्‍हे व कृषी कन्या चौधरी धनश्री यांनी केले .
यामध्ये सेंद्रिय शेती , हवामान अंदाज व जेरिनियम शेती यासंबंधीत चर्चा करण्यात आली.
मांजरसुंबा व डोंगरगण गावचे सरपंच , उपसरपंच तसेच सोसायटी चे सदस्य आणि शेतकरी यांच्या समवेत हा कृषी मेळावा मांजरसुंबा येथे पार पडला .
