दत्ता ठुबे /पारनेर प्रतिनिधी
:-सध्या राज्यात सगळीकडे गाय व बैलामध्ये लंपी आजाराची लागण झाल्याचं पाहायला मिळत आहे. पारनेर तालुक्यातील काही गावांमध्ये जनावरांना या रोगाची लागण झाली आहे. काही दिवसांपूर्वी सुजित झावरे पाटील यांनी ६ सप्टेंबर रोजी पशू संवर्धन मंत्री मा. राधाकृष्ण विखे पाटील यांची भेट घेऊन जनावरांमध्ये होत असलेल्या लंपी आजाराबाबत जनावरांचे लसीकरण करणेबाबत मागणी केली होती. तसेच काल जिल्हा परिषद मुख्य कार्यकारी अधिकारी यांची भेट घेऊन जनावरांमध्ये वाढत असलेल्या लंपी आजाराबाबत पारनेर तालुक्यात जिल्हा परिषदेच्या पशू संवर्धन विभागामार्फत जनावरांचे लसीकरण करणेबाबत सांगितले होते.
आज तालुक्यातील सारोळा आडवाई येथे जनावरांचे लसीकरण मोहीम सुरू करण्यात आली आहे. यावेळी बोलताना सुजित झावरे पाटील म्हणाले की,राजस्थान मध्ये लंपी आजाराने ४०,००० पेक्षा जास्त जनावरे दगावली आहे. महाराष्ट्र सरकारने लंपी आजारांचे गांभीर्याने दखल घेऊन तातडीने उपाययोजना करण्यास सुरुवात केली. माणसामध्ये जसा कोरोना सारख्या आजाराची परिस्थिती होती तशीच परिस्थिती जनावरांमध्ये लंपी आजारामुळे होत आहे. लंपी आजाराने शेतकऱ्यांनी घाबरून न जाता सतर्क रहावे. लंपी हा त्वचा रोगाचा प्रादुर्भाव शक्यतो माणसाला होत होत नाही. तरीही जनावरांना हाताळणाऱ्या शेतकऱ्यांनी हातात रबरी हातमोजे घालावेत, बाधित दुधाची विल्हेवाट लावावी, पाश्चराईजड दुधाचा वापर करावा, गोठा परिसर निर्जंतुक करावा व कीटकांचा प्रादुर्भाव होणार नाही याची काळजी घ्यावी. लंपी आजाराचे लक्षणे अंगावर गाठी, सुरुवातीस ताप, डोळ्यातून, नाकातून चिकट पाणी, चारा, पाणी खाणे कमी अथवा बंद, काही जनावरांमध्ये पायावर सूज येणे व लंगडणे अशी लक्षणे आढळून आल्यास त्वरित तालुका पशूवैद्यकीय अधिकारी विभागाशी संपर्क साधावा. शेतकऱ्यांनी घाबरून न जाता सतर्क राहावे. तसेच पशूधन वाचवण्यासाठी सर्वांनी पुढाकार घेऊन पुढे यावे असे आवाहन केले. यावेळी संदीप कपाळे, सोपान मुंजाळ सर, शंकर महांडूळे, सतीश महांडूळे, सुरेश फंड, काशिनाथ फंड, भाऊसाहेब महांडूळे, शोभा फंड, उत्तम फंड, सुनिल शिंदे, अरुण फंड, पोपट फंड, दत्तात्रय फंड, पशू वैद्यकीय अधिकारी डॉ. राठोड तसेच परिसरातील शेतकरी वर्ग मोठया प्रमाणात उपस्थीतीत होते.
