सावित्रीच्या लेकींचा पारनेर मध्ये उपनगराध्यक्षा सौ. भालेकर यांनी केला अनोखा सन्मान !

सुवासिनी व विधवा भगिनींना बरोबर घेत साजरा केला अनोखा हळदीकुंकू समारंभ !

!

दत्ता ठुबे/पारनेर प्रतिनिधी :-
ऐतिहासिक महाराष्ट्रात महिला सक्षमीकरणासाठी क्रांतीची ज्योत लावणाऱ्या अनेक राजमाता तसेच महिला क्रांतिकारकांनी माझी महाराष्ट्राची कन्या ही सक्षम झाली पाहिजे.पतीच्या निधनानंतर सती जाणाऱ्या प्रथेविरोधात त्या काळी ही एक मोठी चळवळ उभी करून ही प्रथा बंद करण्यासाठी अतोनात प्रयत्न केले . समाजामध्ये विधवांना योग्य सन्मान मिळावा त्यासाठी क्रांतिकारी विचाराच्या अनेक राजमातांनी प्रयत्नही केला . परंतु अजूनही विधवांना दुर्लक्षित ठेवले जाते त्या संदर्भात राज्य सरकारने विधवांसाठी विविध उपक्रम राबवले आहेत . पारनेर नगरपंचायत मध्ये ही उपनगराध्यक्ष सुरेखा अर्जुन भालेकर यांनी सर्वसाधारण सभेत ठरावही मंजूर करून घेतला व त्याचे वेगळेपण व अंमलबजावणी मकर संक्राती निमित्ताने हळदी-कुंकू कार्यक्रमात आपल्या प्रभाग क्रमांक दहा मधील व संपूर्ण पारनेर शहर व तालुक्यातील सुवासिनी तसेच विधवांचा हळदीकुंकू कार्यक्रमात सहभाग नोंदवत प्रेरणादायी व अनोखा उपक्रम राबवत स्त्रियांच्या अस्मितेबद्दल व अभिव्यक्ती स्वातंत्र्याचे पालन करत एक वेगळे पण सिद्ध केले .
शहरातील सुवाशिनी व विधवा महिला भगिनींना आमंत्रित करत त्यांना मान देन वाणाचे भेदभाव न करत वान वाटप करत हळदी कुंकवाचे आयोजन करत रवीवार दि.२२ जानेवारी रोजी मोठ्या मंगलमय व दिमाखदार वातावरणात हा समारंभ पार पडला .
इतिहासात डोकावले तर सावित्रीबाई फुले , अहिल्यादेवी होळकर , राजमाता जिजाऊ भोसले यांनी स्त्रियांबद्दलचा विविध संकल्पना राबवत त्यांच्या विषयी केलेले कार्य समाजाला दाखविले . त्याचीच प्रेरणा घेऊन आपला सामाजिक उपक्रम राबवत कोल्हापूरचा हेरवाड गावचा विधवा प्रथा बंदी ठराव झाल्यावर आपल्या पारनेर नगरपंचायत मध्ये सात जून 2022 रोजी विधवा प्रथा बंदी ठराव केला व त्याचे अंमलबजावणी म्हणून हळदीकुंकवाच्या निमित्ताने सुवासिनी व विधवा महिलांना आमंत्रित करत प्रबोधन करण्याचा प्रयत्न उपनगरअध्यक्षा सौ . सुरेखा भालेकर यांनी केला .प्रत्येक महिलेला येथोचीत भेटवस्तू देत त्यांचे फोटो घेत एक वेगळेपण सिद्ध केले .
जिल्हा परिषद सदस्य सौ.राणीताई निलेश लंके यांच्या प्रमुख उपस्थितीत सुरू झालेल्या या हळदी कुंकू कार्यक्रमात बोलताना विधवा महिलांनाही समाजात सन्मानाने जीवन जगण्याचा अधिकार आहे .अंधश्रद्धा व बुरसटलेल्या प्रथांचा आजच्या आधुनिक युगात बिमोड करणे गरजेचे आहे . स्त्री ही आबला नसून सबला आहे तिलाही समाजात एक स्वतंत्र स्थान आहे.तिला या समाजात सन्मानाने जगता आले पाहिजे .तेव्हा स्त्रीने आपल्या न्याय हक्कासाठी समाजासमोर ताठ मानेने उभी राहत प्रत्येक महिलेने महिलेचा सन्मान करून तिला प्रगतीपथावर येण्याची गरज आहे .आजच्या कॉम्प्युटर युगात महिलांनी सक्षम बनवून या अनिष्ट प्रथा झुगारण्याचा प्रयत्न करून एका महिलेने दुसऱ्या महिलेला सन्मान मिळवून देण्यासाठी प्रयत्न केला पाहिजे . एकीकडे देश प्रगतीपथावर मार्गक्रमण करत आहे तर दुसरीकडे स्त्रियांना समाजात दुय्यम वागणूक मिळते हे योग्य नाही असा विचार करत प्रभाग क्रमांक दहा मधील नगरसेवीका तथा पारनेर नगरपंचायतच्या उपनगराध्यक्ष सुरेखा भालेकर यांनी राबवलेला हा हळदी कुंकवाचा उपक्रम कौतुकास्पद आहे असे यावेळी राणीताई निलेश लंके यांनी सांगितले .
यावेळी सौ. राणीताई लंके यांच्या समवेत पारनेर नगर पंचायत नगराध्यक्ष यांच्या सुविद्य पत्नी सर्व नगरसेविका व पारनेर शहरासह तालुक्यातील विविध क्षेत्रातील सर्वसामान्य घटकातील बहुसंख्य महिलांनी या अनोख्या उपक्रमास उपस्थिती दर्शविली .