दत्तात्रय शिंदे
नेवासा तालुक्यातील चांदा येथे येथून कत्तलीसाठी जाणाऱ्या 22 जनावरांची सोनई पोलिसांनी सुटका केली या जनावरांची पाथर्डी येथील नंदनवन गोशाळेत रवानगी करण्यात आली आहे
जिल्हा पोलीस अधीक्षक राकेश ओला यांनी जिल्ह्यामध्ये अवैध धंद्यांवर कारवाई करण्याबाबत सूचना दिल्या. त्याचप्रमाणे सहाय्यक पोलीस निरीक्षक माणिक चौधरी यांना गोपनीय खबऱ्याकडूनमिळालेल्या
माहिती नुसार , चांदा, (तालुका नेवासा) गावामध्ये कत्तलीसाठी गोवंश जातीची लहान मोठे जनावरे आणलेले आहेत.
सदर बातमीची खात्री करून सहाय्यक पोलीस निरीक्षक चौधरी यांनी स्वतः पुढाकार घेऊन, व पोलीस स्टेशनच्या स्टाफसह सदर ठिकाणी जाऊन खात्री
करून कारवाई केली. सदर कारवाई मध्ये गोवंश जातीची लहान-मोठे एकूण 22 जनावरे किंमत अंदाजे 03 लाख 62 हजार रुपये प्रमाणे मिळून आल्याने सदरची जनावरे ताब्यात घेऊन त्यांची वैद्यकीय
तपासणी करून त्यांच्या सुरक्षेसाठी नंदनवन गोशाळा पाथर्डी येथे पाठवण्यात आली आहेत.
या कारवाई मध्ये एकूण तीन आरोपी मिळून आले असून त्यांची नावे पुढील प्रमाणे आहेत.
बाबू दाऊद शेख (वय 35 वर्ष)
जावेद युसुफ शेख (वय 44 वर्ष)
शब्बीर पठाण (वय 22 वर्ष) सर्व राहणार चांदा तालुका नेवासा याप्रमाणे आहेत. त्यांच्यावर गुन्हा दाखल करण्यात आला असून पुढील तपास पोलीस हवालदार गावडे हे करत आहेत.
