अहमदनगर प्रतिनिधी
नेप्ती विद्यालयातच विद्यार्थ्यांनी भरवला आनंदी बाजार विद्यार्थ्यांनी गिरवले व्यावहारिक ज्ञानाचे धडे अहमदनगर नेप्ती तालुका नगर येथील श्री .स्वामी आण्णा हजारे शिक्षण संस्थेच्या नेप्ती विद्यालयाच्या पटांगणात विद्यार्थ्यांनी भव्य आनंदी बाजार भरवला होता .या आनंदी बाजाराचे उद्घघाटन मुख्याध्यापक महेश जाधव , संस्थेचे संचालक दिलीपराव होळकर, प्रा.एकनाथ होले यांच्या हस्ते करण्यात आले. विद्यार्थ्यांना व्यावहारिक ज्ञान मिळावे या उद्देशाने या आनंदी बाजाराचे आयोजन महाराष्ट्र स्काऊट गाईडने खरी कमाई या उपांतर्गत मोठ्या उत्साहाने आनंदी बाजाराचे आयोजन केले होते. या बाजारामध्ये विद्यार्थ्यांनी प्लास्टिक मुक्तीचा संदेश दिला . या आनंदी बाजारात फास्ट फूड, पावभाजी, पाणीपुरी ,भजे, वडेपाव ,पोहे, भेळ, लाडू ,चिक्की, पालक मेथी , शेवगा, वांगी बटाटे ,कांदे ,मटकी , ओला हरभरा ,मुग डाळ ,चणा डाळ ,हरभरा डाळ ,शेवगा ,कोबी फ्लॉवर, किराणा बाजार, चहा ,कॉफी रसरशीत चिंचा, आदीचे स्टॉल लावण्यात आले होते. यावेळी मुख्याध्यापक महेश जाधव ,नानासाहेब घोडके ,राजेंद्र झावरे ,बाबासाहेब भोर, राजू सांगळे , बाबूलाल सय्यद, शिवाजी जाधव ,राधिका वामन, सुनिता सोंडकर, श्रद्धा भांड, अश्विनी पवार ,सीमा जपकर, समता परिषद तालुकाध्यक्ष रामदास फुले, संस्थेचे संचालक दिलीपराव होळकर प्रा. एकनाथ होले, पोलीस पाटील अरुण होले, अमोल औटी, अमोल चौगुले ,सादिक पवार ,भूषण पवार ,विलास पवार, मयूर गव्हाणे, सुरज पवार, नौशाद शेख, रावसाहेब पुंड ,अल्ताफ सय्यद ,पालक, महिला ,शिक्षक ,माजी विद्यार्थी व ग्रामस्थ यावेळी मोठ्या संख्येने उपस्थित होते शालेय जीवनातच विद्यार्थ्यांना आर्थिक देवाण-घेवाणीचे ज्ञान प्राप्त व्हावे तसेच व्यावसायिक दृष्टिकोन आत्मसात व्हावा यासाठी या बाजाराचे आयोजन करण्यात आले होते. विविध वस्तू खाद्यपदार्थ व भाजीपाला खरेदी करण्यासाठी पालक व ग्रामस्थांची झुंबड उडाली होती. पाच ते दहा रुपयात भाज्या मिळत असल्याने मिळत असल्याने ग्रामस्थांच्या चेहऱ्यावर खरेदीचा उत्साह पहावयास मिळत होता.
