दत्तात्रय शिंदे
माका प्रतिनिधी
अहमदनगर – छञपती संभाजीनगर
महामार्गावर नेवासा तालुक्यातील वडाळा
(बहिरोबा) जवळ कार व आयशर टेम्पोची धडक
होवून झालेल्या भीषण अपघातात चार जण ठार
झाले तर एक महिला जखमी झाली
रविवार (दि. ११) रोजी सकाळी दहा
वाजेच्या सुमारास अहमदनगर कडून छञपती
संभाजीनगरच्या दिशेने जात असलेल्या कारच्या
चालकाचे नियंत्रण सुटल्याने दुभाजकावर कार
( एम एच १४. एस सी. ९००७) धडकली
समोरून येणाऱ्या आयशर टेम्पो (एम एच
४८ टी ५३१९) ला जोरदार धडक बसल्याने हा
अपघात झाला. अपघात एवढा भीषण होता की
जागेवर तिघांचा मृत्यू झाला तर एकाचा
उपचरापूर्वी मृत्यू झाला एक महिला जखमी असून तीच्यावर नेवासा फाटा येथील खाजगी रुग्णालयात उपचार सुरू आहे.
इंदौर येथील भाविक देवदर्शनासाठी जात असताना
हा अपघात घडला अपघाताची माहिती समजताच शनिशिंगणापूर पोलीस ठाण्याचे सहाय्यक पोलीस निरिक्षक रामचंद्र कर्पे, पोलिस हेड कॉन्स्टेबल ज्ञानेश्वर माळवे, गुलाब मोकाटे, रमेश लबडे यांनी घटनास्थळी भेट देवून अपघातातील
मृतांचे मृतदेह नेवासा फाटा येथील ग्रामिण रुग्णालयात शवविच्छेदनासाठी पाठवून महामार्गावरील वाहतूक सुरुळीत केली.
या अपघातात राहुल परमेश्वर शर्मा (वय २७ वर्ष रा.
कलंदी गोल्ड सिटी इंदोर), हर्ष मनोहर शर्मा (वय
१८ रा. रतलाम, मध्यप्रदेश), योगेश परमेश्वर शर्मा
(वय २४ वर्ष रा. कुंडली जिल्हा धार, मध्य
प्रदेश), अविनाश मंडलेचा (वय २५ वर्ष रा. महालक्ष्मी हिवरे, ता. नेवासा जि. अहमदनगर) हे मयत झाले आहे. तर राणू परमेश्वर शर्मा (वय २६ वर्ष रा. गोल्ड सिटी इंदोर), जखमी असून त्यांच्यावर नेवासा फाटा येथील खाजगी रुग्णालयात उपचार सुरू असल्याचे सहाय्यक पोलीस निरिक्षक रामचंद्र कर्पे यांनी सांगितले.
