पारनेर प्रतिनिधी
जखणगांव ता नगर येथील भाऊसाहेब लक्ष्मण कर्डिले सेवा सोसायटीचे काम हे जिल्ह्यात अव्वल आहे या सोसायटीचा वसुल १००℅ आहे. सोसायटीच्या संचालक मंडळाची बैठक चेअरमन बाळासाहेब कर्डिले यांच्या अध्यक्षतेखाली पार पडली.या बैठकीत ज्येष्ठ संचालक व आदर्श शिक्षक बाळकृष्ण कर्डिले गुरुजी यांची व्हाईस चेअरमनपदी बिनविरोध निवड करण्यात आली.
या निवडीबद्दल जखणगांव चे लोकनियुक्त सरपंच डॉ. सुनिल गंधे यांनी त्यांचा यथोचित सत्कार केला व ग्रामविकासाठी काम करण्याचे आवाहन केले.
यावेळी पोलीस पाटील रमेश आंग्रे, तात्या कर्डिले, भाऊसाहेब कर्डिले, शिवाजी कर्डिले, संपत लोढा,हलिम शेख,गेनुभाऊ कर्डिले,राजेंद्र ठाणगे यांचे सह असंख्य ग्रामस्थ उपस्थित होते.
