भंडारदरा परिसरातील शेंडी ते पांजरे रस्त्याची झाली चाळण! स्थानिक नागरिक व पर्यटकांमधे संताप

अकोले प्रतिनिधी

पर्यटन पंढरी असणाऱ्या अकोले तालुक्यातील भंडारदरा परिसरात शेंडी ते पांजरे या रस्त्याची प्रचंड दुरावस्था झाली आहे

शेंडी ते पांजरे या 10ते 12 किमी आंतरात रस्त्यावर प्रचंड मोठया आकारा चे खड्डे पडले आहे सार्वजनिक बांधकाम खात्याच्या दुर्लक्षामुळे या रस्त्यावर खड्ड्यांचे साम्राज्य पसरले आहे यामुळे आदिवासी भागातील स्थानिक रहिवाशांना मनस्ताप सहन करावा लागत आहे दररोजच्या प्रवासात खड्डे चुकावताना वाहन चालकांना मोठी कसरत करावी लागत आहे या आदिवासी भागातील सर्पदंश व आजारी रुग्णांना या मार्गावरून शेंडी राजुर अकोले या ठिकाणी आणत असताना रुग्णांना उपचारापेक्षा खड्ड्यांचा त्रास अधिक होत आहे

लहान मोठ्या वाहनांचे खड्ड्यांमुळे नुकसान होत आहे तर पर्यटकांची वर्दळ या रस्त्याने मोठ्या प्रमाणात आहे परंतु रस्त्यावर असणाऱ्या खड्ड्यांमुळे पर्यटक येता जाताना बांधकाम खात्याचा नावाने खडे फोडत असल्याचे दिसून येत आहेत
राजुर सार्वजनिक बांधकाम विभागाकडे असणाऱ्या या रस्त्यावर दरवर्षी रस्ता दुरुस्तीच्या नावावर लाखो रुपये निधी खर्च केल्याचे दाखवले जाते मात्र निकृष्ट दर्जाच्या कामांमुळे रस्त्याची पुरती वाट लागली आहे

मे – जून पासून सुरू असणाऱ्या पावसामुळे तर डांबरी रस्त्यावर जागोजागी पाण्याची डबके दिसत आहे या रस्त्यावरील खड्डे तातडीने दुरुस्त करावे अन्यथा आरपीआयचे नेते विजयराव वाकचौरे यांच्या नेतृत्वाखाली आंदोलन करण्याचा इशारा आर पी आय चे भंडारदरा विभाग प्रमुख राजेंद्र सोनवणे यांनी दिला आहे