वसंत रांधवण
अहमदनगर /प्रतिनिधी :
जामखेड तालुक्यातील चौंडी येथे गेली १५ दिवसापासून धनगर समाजाच्या आरक्षणाच्या अंमलबजावणीसाठी उपोषणास बसलेल्या आंदोलकांना सक्रिय पाठिंबा देण्यासाठी व आंदोलनाची रूपरेषा ठरविण्यासाठी आज दि. १८ सप्टेंबर रोजी पुण्यश्लोक अहिल्यादेवी होळकर सामाजिक प्रतिष्ठान, सखल धनगर समाज पारनेर यांच्यावतीने अहिल्याभवन येथे समाज बांधवांची बैठक आयोजित करण्यात आली होती.
या बैठकीमध्ये चौंडी येथील उपोषणकर्त्यांची राज्य सरकारने दखल न घेतल्यास उपोषणकर्त्यांच्या पाठिंब्यासाठी व सरकारला धनगर समाजाच्या आरक्षणाची दखल घेण्यासाठी २२ सप्टेंबरला अहमदनगर जिल्ह्यातील पारनेर तालुक्यातील सकल धनगर समाज पारनेर बांधवांच्यावतीने ढोकी फाटा नगर कल्याण महामार्गावर
रास्ता रोको करण्याचा निर्णय सर्वानुमते मीटिंगमध्ये घेण्यात आला आहे.
यावेळी धनगर समाज बांधव उपस्थित होते तसेच उपस्थित सर्व समाज बांधवांनी आपल्या भावना व्यक्त करून चोंडी येथील उपोषणास आपला जाहीर पाठिंबा व्यक्त केला. याप्रसंगी सर्व उपस्थित समाज बांधवांनी व्यक्त करुन २२ सप्टेंबर पर्यंत सरकारने चौंडी येथील उपोषणकर्त्यांची योग्य दखलना घेतल्यास सर्व समाज बांधवांनी आरक्षणासाठी २२ सप्टेंबर रोजी ढोकी फाटा, नगर कल्याण महामार्गा येथे चक्काजाम रास्तारोको आंदोलनासाठी मोठ्या संख्येने उपस्थित राहण्याचे आव्हान सखल धनगर समाज पारनेर बांधव यांच्या वतीने करण्यात आले आहे.
