अकोले/प्रतिनिधी-
अकोले तालुक्यातील एकदरे येथील ग्रामपंचायतीच्या उपसरपंचपदी लिलाबाई भांगरे यांची एकमताने बिनविरोध निवड झाली आहे.येथील ग्रामपंचायतची निवडणूक प्रक्रिया संपन्न झाल्यानंतर नवनिर्वाचित सदस्यांमधून उपसरपंचाची निवडणूक प्रक्रिया अकोले तालुक्यातील तालुका कृषी अधिकारी अशोक साळी यांच्या उपस्थितीत व नवनिर्वाचित लोकनियुक्त सरपंच योगेश भांगरे यांच्या अध्यक्षतेखाली ग्रामपंचायत कार्यालयात नुकतीच पार पडली.
या उपसरपंच निवडणुकीत लिलाबाई भांगरे यांची बिनविरोध निवड झाली. ग्रामपंचायत निवडणुकीत योगेश भांगरे हे सरपंचपदी निवडून आले होते. तर मंदा भांगरे ,नानासाहेब भांगरे,लिलाबाई भांगरे ,अनिल पोटे यांची सदस्य पदी निवड झाली होती. सरपंच पदासह पाच उमेदवार सार्वत्रिक निवडणूक मध्ये निवडून आले होते.यापैकी उपसरपंच पदाची निवड बाकी होती. या निवडनुकीत सर्व सदस्यांमधून उपसरपंचपदी नवनिर्वाचित कर्तबगार व्यक्तिमत्व म्हणून लिलाबाई भांगरे यांची बिनविरोध निवड करण्यात आली त्यांचे सर्वत्र अभिनंदन होत आहे.
यावेळी नवनिर्वाचित सरपंच ,सदस्य तसेच तालुका कृषी अधिकारी अशोक साळी,कृषी सहाय्यक नाथु शेंडे,ग्रामसेवक बापूसाहेब राजळे( ग्रामपंचायत जायनावाडी बिताका),राघू पेढेकर,कर्मचारी वाळू भांगरे , केंद्राचालक बाळू मेंगाळ, तसेच जालिंदर पोटे,लालू साबळे,मच्छिंद्र भांगरे,भास्कर भांगरे,नाना मदगे यांसह ग्रामस्थ उपस्थित होते.
