अकोले प्रतिनिधी-
केमिस्ट बांधवांनी आपला व्यवसाय करताना सामाजिक बांधिलकी जपावी.असे प्रतिपादन अन्न व औषध प्रशासन विभागाचे सह आयुक्त हेमंत मेतकर यांनी केले.
अन्न व औषध प्रशासन अहमदनगर व अकोले तालुका केमिस्ट असो. यांच्या संयुक्त विद्यामाने शुक्रवार दिनांक 2 सप्टेंबर रोजी विठ्ठल लॉन्स अकोले येथे सहा. आयुक्त हेमंत मेतकर यांच्या प्रमुख उपस्थितित तालुक्यातील सर्व औषध व्यावसायिकांसाठी मार्गदर्शनपर कार्यशाळा आयोजित करण्यात आली होती .यावेळी अध्यक्षस्थानी जिल्हा केमिस्ट असो. चे जिल्हाध्यक्ष चेतन कार्डिले हे होते .
कार्यक्रमाच्या सुरुवातीला कोविड काळात सेवा देत असतांना शाहिद झालेल्या देशातील सर्व केमिस्ट यांना श्रद्धांजली अर्पण केली.
आपल्या प्रमुख मार्गदर्शनात सहा. आयुक्त हेमंत मेतकर यांनी व्यवसाय करत असतांना काय काळजी घ्यावी ,कोणती औषधे डॉक्टरची चिट्ठी शिवाय विक्री करू नये , आपल्या दुकानात अत्यावश्यक औषधांचा साठा नियमीत उपलब्ध ठेवण्यात यावा, आपल्या कडे आलेल्या रुग्णांना औषधाबद्दल जागरूकता करावी व औषधांची योग्य पध्दतीने साठवणूक करण्याबाबत सूचना केल्या व व्यवसाय करत असताना आपल्या सामाजिक बांधिलकीची जाणीव ठेवावी.तसेच तालुक्यात नियमितपणे औषध पुरवठा चालू ठेवण्यासाठी सुचना दिल्या व इतर माहिती देताना मोलाचे प्रबोधन केले.
जिल्हा अध्यक्ष यांनी आपल्या भाषणात केमिस्ट एकजुटीच महत्व विषद करत नविन येणाऱ्या व्यवसायिक संकटाना कसे सामोरे जावे लागेल याबाबत सविस्तर मार्गदर्शन केले.तसेच अशा कार्यशाळा नियमितपणे व्हाव्यात अशी अपेक्षा व्यक्त केली.
या प्रसंगी संगमनेर चे जिल्हा प्रतिनिधि संदेश जाजू,महेश अभंग,अतुल चांगले, अमोल गागरे यांच्यासह तालुका अध्यक्ष दत्तात्रय देशमुख, सेक्रेटरी प्रल्हाद जाधव खजिनदार राजेश धुमाळ,बाळासाहेब भोर,रमेश आरोटे, राजकुमार भळगट,श्रीकृष्ण कोळपकर,रवि कोटकर, श्रीमती सुनीता क्षीरसागर मॅडम, सौ.वर्षा धुमाळ ,नीलेश पाबळकर,सुरेश उगले, दिनेश वाकचौरे ,कैलास काळे,सचिन आवारी आदिसह तालुक्यातील केमिस्ट उपस्थित होते.
स्वागत व प्रास्ताविक जिल्हा प्रतिनिधी अरुण सावंत यांनी केले.सूत्रसंचालन व आभार आरिफ तांबोळी यांनी मानले.
