अकोल्यातील त्या चार लहान मुलांचे अपहरण नाही तर,रस्ता चुकल्याने ती मुले भरकटले!
अफवांवर विश्वास ठेवू नका- अकोले पोलिसांचे आवाहन
अकोले प्रतिनिधी
दिनांक 10/03/2025 रोजी सकाळी 11/00 वाजता उंचखडक बु. ता. अकोले येथील चार मुलांचे अपहरण झाले अशी बातमी सोशल मिडीयावर व्हॉयरल झाली होती.मात्र त्या बातमीत काहीच तथ्य नाही रस्ता चुकल्याने ती लहान मुले भरकटले असा खुलासा अकोले पोलिसांनी केला आहे
सदर घटनेची पोलीसांना माहिती मिळताच अकोले पोलीस स्टेशन येथुन तात्काळ 02 अधिकारी व 09 कर्मचारी असे तिन पथके तयार करुन सदर घटनेची सखोल चौकशी केली असता. त्यामध्ये सदर मुले घरातुन बाहेर पडल्याची वेळ, ते ज्या मार्गाने गेले त्या
ठिकाणांवरील CCTV कॅमेरे फुटेज चेक करुन पाहिले असता तसेच सदर मुले रस्त्याने जात असतांना त्यांना पाहिलेल्या लोकांकडे चौकशी केली असता. तसेच सदर दोन मुली व दोन मुले यांना विश्वासात घेवुन चौकशी केली असता. चौकशीमध्ये सदर चार मुलांमध्ये
सर्वांत मोठी असलेली 07 वर्षाची मुलगी हिने तिचे आई वडीलांना काही एक न सांगता तिचा भाऊ वय-05- वर्षे, व मामाची मुलगी वय- 03 वर्षे, व मुलगा वय – 02 वर्षे यांना घेवुन कपडे शिवायला जायचे असे सांगुन ते सकाळी 08/00 वा. चे सुमारास उंचखडक बु. गावचे
शेत शिवारातुन घरातुन निघुन औरंगपुर मार्गे इंदोरी फाटा येथे गेले होते. ते रस्ता भरकटले होते व दुसऱ्याच रस्त्याने चालले होते. तेंव्हा त्यांचेतील लहान मुलगा दमल्याने व त्याला भुक लागल्याने तो रडत असल्याने तेथुन जवळुन जात असलेले इसम नामे 1) दत्तात्रय
देवराम मुंढे, 2) संपत तुकाराम मेमाने दोन्ही रा. टिटवी देवगाव ता. अकोले यांनी त्या मुलांचे जवळ जावुन त्यांची विचारपुस केली असता ते सर्वजन उंचखडक बु येथील असल्याचे व रस्ता चुकले आहे असे सांगीतले त्यानंतर सदर इसमांनी त्या चौघांना गाडीवर बसवुन त्यांचे घरी उंचखडक बु. येथे सुखरुप आणुन सोडले आहे.
एकंदरीत झालेले चौकशीमध्ये घेतलेले साक्षीदारांचे जबाब, तपासलेले CCTV फुटेज, सदर मुलांचा जाण्याचा मार्ग वेळ, मुलांचे व घरातील लोकांचे चौकशीमध्ये सोशल मिडीयावर अपहरण झाल्याचे व्हायरल चार मुलांचे बातमीतील मुलांचे कोणीही अपहरण केले नसुन अपहरणाचा कोणताही प्रकार घडलेला नाही असे निष्पन्न झाले आहे.
सदर घटना ही ती मुले रस्ता भरकटल्याने याने झालेली आहे. तरी अकोले पोलीस स्टेशन हददीतील नागरीकांना आवाहन करण्यात येते की अशा प्रकारच्या कोणत्याही प्रकारच्या व्हायरल बातम्या व अफवांवर विश्वास ठेवु नये असे आवाहन अकोले पोलीस स्टेशन चे पोलीस निरीक्षक मोहन बोरसे यांनी केले आहे
