आषाढी एकादशी ही भक्तीचे प्रतीक -रामदास फुले
अहिल्यानगर /प्रतिनिधी-
नगर तालुक्यातील नेप्ती येथील श्री विठ्ठल-रुख्मिणी मंदिरात आषाढी एकादशीनिमित्त भक्तिभावपूर्ण वातावरणात विविध धार्मिक कार्यक्रम पार पडले.
औटी कुटुंबीयांच्या वतीने मंदिरात महाभिषेक करण्यात आला. या वेळी पंचक्रोशीतील भाविकांनी विठ्ठल- रुख्मिणी मंदिरात दर्शनासाठी मोठी गर्दी केली होती.
औटी कुटुंबीयांच्या वतीने सालाबाद प्रमाणे याही वर्षी फळाचे व खिचडीचे गावातून व परिसरातून आलेल्या भाविकांमध्ये वाटप केले. ,मंदिर परिसराची स्वच्छता आणि गाभाऱ्याची सजावट वंदना औटी, शोभा औटी, मीनल औटी, चैताली औटी आणि अश्‍विनी औटी यांनी केली. महाभिषेकानंतर मंदिरात महाआरती पार पडली. चंद्रकांत औटी व नारायण औटी यांच्या हस्ते फळाचे व खिचडीचे वाटप भाविकांमध्ये करण्यात आले.
विठ्ठल भक्तीत तल्लीन होवून विठ्ठल भक्त औटी परिवाराने धार्मिक कार्यास हातभार लावला आहे. धार्मिक कार्यासाठी प्रत्येकाचे योगदान महत्त्वाचे आहे. आषाढी एकादशी ही भक्तीचे प्रतीक आहे असे प्रतिपादन समता परिषदेचे तालुका अध्यक्ष रामदास फुले यांनी केले .
कार्यक्रमाच्यावेळी अभिजीत औटी, अक्षय औटी, अमोल औटी, जिल्हा नियोजन समितीचे सदस्य शिवाजीराव होळकर, समता परिषदेचे तालुका अध्यक्ष रामदास फुले ,माजी उपसरपंच सुभाष जपकर ,अमोल चौगुले ,पोपट राऊत, किशोर चौगुले, पाराजी होळकर ,बाळासाहेब होळकर दत्तू कांडेकर ,चंद्रकांत खरमाळे ,दादा जपकर, ज्ञानेश्वर होळकर, अशोक रावळे , शौनक औटी, श्राव्या औटी, वेद औटी, शुभ्रा औटी, शुभंकर औटी व परिसरातील ग्रामस्थ व भाविक मोठ्या संख्येने उपस्थित होते .
