संगमनेर (प्रतिनिधी)–कवठे कमळेश्वर येथील ग्रामपंचायत ने पंधराव्या वित्त आयोगाप्रमाणे गावात सुरक्षा यंत्रणा टावर बसवण्या कामांमध्ये सरपंच ग्रामसेवक व ठेकेदार यांनी संगणमताने 3 लाख 60 हजार रुपये इतक्या रकमेचा अपहार केल्याचे ग्रामपंचायत सदस्य नागेश यादव व लक्ष्मण जोंधळे यांनी केला आहे.
ग्रामपंचायत सदस्य नागेश मच्छिंद्र यादव व लक्ष्मण भागवत जोंधळे यांनी गटविकास अधिकारी पंचायत समिती यांच्याकडे 13 फेब्रुवारी 2026 रोजी अर्ज करून कवठे कमळेश्वर येथील सरपंच ग्रामसेवक व ठेकेदार यांनी संगनमताने गावामध्ये सुरक्षा टावर यंत्रणा उभारणे कामाच्या नावाखाली 3 लाख 60 हजार रुपयांचा भ्रष्टाचार केल्याची निदर्शनास आणून दिले. या कामांमध्ये मूळ आराखड्यामध्ये अडीच लाख रुपये तरतूद करण्यात आलेली आहे. सदर कामास कोणतीही प्रशासकीय मान्यता नसून तांत्रिक मान्यता ही घेण्यात आलेली नाही .काम करण्यापूर्वी सदर रक्कम ही ठेकेदाराला देण्यात आली आहे. याबाबत गटविकास अधिकारी यांनी कवठे कमळेश्वर येथील तत्कालीन सरपंच वालुबाई विठ्ठल वराडे ग्रामसेवक व ठेकेदार यांना गटविकास अधिकारी यांनी नोटीसद्वारे सूचित केले आहेत.
सदर काम हे लेखासहिता 2011 मधील नियम प्रकरण 3 मधील नियम 8,9 प्रकरण 12 मधील नियम 49, 50, 51 ,52 ,53 ,54 ,55 ,56 ,57, 58, 59 ,60, 61 या नियमांचे उल्लंघन झाले असून सदर नोटीस मिळतात सर्व उलटटपाली पुरावे दस्तावेज सादर करावे याबाबत मुख्य कार्यकारी अधिकारी जिल्हा परिषद अहिल्यानगर यांनीही सदर ग्रामपंचायतला नोटीस बजावंली असून 3 लाख 60 हजार रुपये रकमेचा अपहार केल्याच्या बाबत खुलासा करावा अन्यथा पुढील कारवाई करण्यात येईल असे निर्देश दिले आहेत.
या भ्रष्टाचाराची तातडीने चौकशी होऊन दोषीवर कठोर कारवाई व्हावी अशी मागणी कवठे कमळेश्वर येथील ग्रामपंचायत सदस्य नागेश मच्छिंद्र यादव, लक्ष्मण भागवत जोंधळे व इतर ग्रामस्थांनी केली आहे
