नेप्तीत बैलपोळा उत्साहात साजरा मिरवणुकीत हिंदू मुस्लिम ऐक्याचे दर्शन

अहमदनगर /प्रतिनिधी-

नेप्ती (ता. नगर) येथे बैलपोळा सण उत्साहात साजरा करण्यात आला. गावात बैलांना घेऊन निघालेल्या सवाद्य मिरवणुकीने चैतन्य संचारला होता. हिंदू मुस्लिम शेतकरी बांधवांनी या मिरवणुकीत सहभाग नोंदवून धार्मिक ऐक्याचे दर्शन घडविले.
शेतकर्‍यांनी बैलाची सवाद्य मिरवणूक काढून बैलांना पुरणपोळीचा नैवद्य दाखवून बैलपोळा सण उत्साहात साजरा केला असल्याची माहिती रामदास फुले यांनी दिली.

बैल पोळ्यानिमित्त गावातील शेतकरी वर्गाने बैलांना स्नान घालून, बाशिंग फुगे, मणी-माळ, रंग यांनी सजवून सवाद्य गावातून मिरवणूक काढली होती. या मिरवणुकीत मुस्लिम बांधवांनीही मोठ्या प्रमाणात सहभाग घेतला होता. मारुती मंदिराच्या पटांगणात बैलांना आणून, बैलांना हनुमान मंदिराची प्रदक्षिणा घालण्यात आली. बैलाच्या आरोग्यासाठी शेतकर्‍यांनी हनुमान चरणी प्रार्थना केली. त्यानंतर घरी आलेल्या बैलांची सुवासिनींनी पूजा करून बैलांना खास पुरण पोळ्याचा नैवेद्य भरविला. यावेळी माजी सरपंच संजय जपकर, माजी उपसरपंच शिवाजी होळकर, ग्रामपंचायत सदस्य एकनाथ जपकर, पुनम जपकर ,संतोष जपकर ,सुरेखा जपकर ,आसाराम जपकर ,बबई जपकर ,कारभारी जपकर ,रामदास फुले ,मच्छिंद्र जपकर, कानिफ जपकर ,शरद पवार ,भानुदास फुले ,वसंत कदम ,हरिभाऊ पुंड ,गोरख बेल्हेकर शाहूराज होले, दादू चौगुले अशोक जपकर ,मच्छिंद्र होळकर ,प्रा.एकनाथ होले ,अनिल पवार ,पोलीस पाटील अरुण होले, नसीर सय्यद आदी उपस्थित होते.
………