.
होळकर यांनी सामाजिक कार्यातून वेगळी ओळख निर्माण केली
-संजय जपकर
अहमदनगर (प्रतिनिधी)-
नेप्ती (ता. नगर) येथील आमदार निलेश लंके यांचे कट्टर समर्थक शिवाजी किसन होळकर पाटील यांची जिल्हा नियोजन समितीच्या सदस्यपदी नियुक्ती करण्यात आली आहे .आ. निलेश लंके यांनी होळकर यांच्या नावाची शिफारस केल्यानंतर राज्याच्या नियोजन विभागाचे उपसचिव नि.भा.खेडकर यांनी शासन नियमाने होळकर यांच्या नियुक्तीचे आदेश पारित केले आहेत.
त्यांच्या या नियुक्ती बद्दल नेप्ती ग्रामस्थांच्या वतीने उपसरपंच संजय जपकर व सामाजिक कार्यकर्ते रामदास फुले यांच्या हस्ते होळकर यांचा सत्कार करण्यात आला.
यावेळी माजी पंचायत समिती सदस्य देवा होले, माजी मार्केट कमिटीचे संचालक वसंतराव पवार, माजी सरपंच दिलीपराव होळकर, सरपंच संजय अशोक जपकर, उपसरपंच संजय जपकर, माजी उपसरपंच जालिंदर शिंदे , आ. निलेश लंके प्रतिष्ठानचे नितीन कदम, ग्रामपंचायत सदस्य फारुख सय्यद, दादू चौगुले, प्रा. एकनाथ होले ,जावेद सय्यद,सत्तार सय्यद, सलीम सय्यद, अतुल जपकर ,किसन पतसंस्थेचे चेअरमन संपत कापसे, प्रा .बबन कांडेकर , राहुल चौगुले, गुलाब सय्यद, महादेव राऊत, पप्पू शेख, विजय राऊत, गोटीराम जपकर, आनंदा कांडेकर, जमीर सय्यद, राजू कर्पे, संतोष चहाळ, रफिक सय्यद , निखिल जपकर आदींसह ग्रामस्थ मोठ्या संख्येने उपस्थित होते.
उपसरपंच संजय जपकर म्हणाले की, शिवाजी पाटील होळकर यांचे गावात विविध क्षेत्रातील कार्य प्रेरणादायी आहे. त्यांनी आपल्या राजकीय व सामाजिक कार्यातून वेगळी ओळख निर्माण केली आहे. त्यांची जिल्हा नियोजन समितीच्या सदस्यपदी झालेली निवड गावाच्या दृष्टीने अभिमानास्पद आहे .होळकर यांच्या कार्याचे कौतुक करुन पुढील वाटचालीस त्यांनी शुभेच्छा दिल्या.
सत्काराला उत्तर देताना शिवाजी पाटील होळकर म्हणाले की, आ .निलेश लंके यांच्यामुळे माझी ही निवड झाली आहे. एवढ्या मोठ्या मतदारसंघातून त्यांनीच माझ्या नावाची शिफारस केली . मी त्यांच्या विश्वासाला थोडाही तडा जाऊ देणार नाही .गावाच्या विकासात्मक दृष्टीने नेहमीच कार्य केले. सर्वांना बरोबर घेऊन गावाच्या सर्वांगीन विकास साधण्यासाठी यापुढे देखील प्रयत्न राहणार आहे. ग्रामस्थांनी केलेला सत्कार हा सर्वात मोठा सन्मान असून, यामुळे आनखी चांगले कार्य करण्यास प्रेरणा मिळणार असल्याचे त्यांनी सांगितले.
आमदार निलेश लंके व अन्य मान्यवराकडून होळकर यांचे या निवडीबद्दल सर्वत्र अभिनंदन होत आहे.
….
