पुणे दि 6
वर्षानुवर्षे ऊन वादळ वारा पावसात सतत राबून जनतेला अखंडित वीज सेवा देणाऱ्या कंत्राटी कामागाराकडे शासन व वीज कंपनी प्रशासनाचे सतत दुर्लक्ष होत असल्याच्या निषेधार्थ राज्यभरात आज गुरुवार दिनांक 6 जुन रोजी सर्व वीज कंत्राटी कामगारांनी काळ्या फिती लावून काम केले .
कंत्राटी कामगारांच्या विषयांवर सकारात्मक भुमिका न घेतल्यास महाराष्ट्र राज्यात त्रिव आंदोलन करण्याचा ईशारा महाराष्ट्र विज कंत्राटी कामगार संघांचे (संलग्न भारतीय मजदूर संघ) संघटनेचे अध्यक्ष नीलेश खरात यांनी दिला आहे.
महाराष्ट्र वीज कंत्राटी कामगार संघा सोबत ऊर्जामंत्री देवेंद्र फडणवीस यांनी मीटिंग घेतल्या मात्र त्यात दिलेल्या आश्वसनाची पूर्तता अधिकारी वर्गाकडून न झाल्याने कामगार वर्गात तीव्र नाराजी होती.
आज तिन्ही वीज कंपनीचा 19 वा वर्धापनदिन आहे. वारंवार पत्र देऊन सुद्धा प्रशासन जाणीवपूर्वक व सतत कामगारांच्या समस्यांकडे दुर्लक्ष करत असल्याच्या भावनेतूनच कामगारांनी या प्रकारे निषेध नोंदवला. सर्व जिल्ह्यातील कंत्राटी कामगारांनी उत्स्फूर्तपणे या आंदोलनाला प्रतिसाद दिला.
आता तरी शासन व प्रशासनाने जागे होऊन कंत्राटी कामगारांना उचित न्याय द्यावा कामगारांच्या समस्या सोडवण्यासाठी मिटिंग घेवून कामगारांना न्याय द्यावा अशी अपेक्षा महाराष्ट्र विज कंत्राटी कामगार संघांचे सरचिटणीस सचिन मेंगाळे यांनी व्यक्त केली आहे.
