अकोले प्रतिनिधी
ए.एस.के. फाऊंडेशन मुंबई पुरस्कृत व बायफ (बी.आय.एस.एल.डी.) नाशिक संचालित समृद्ध किसान प्रकल्प मार्फत भंडारदरा, कोलटेबे व गुहिरे येथील लाभार्थ्यांना दोन दिवस कृषी विज्ञान केंद्र, बाभळेश्वर येथे सुधारित कुक्कुटपालनाचे प्रशिक्षण देण्यात आले.
या प्रशिक्षणामध्ये कुक्कुटपालनाचे महत्त्व, ब्रॉयलर व लेयर कोंबडीपालन, कोंबड्यांच्या विविध जाती, जागेची निवड, संतुलित आहार व्यवस्थापन, रोगनियंत्रण तसेच लसीकरण या विषयांवर मार्गदर्शन करण्यात आले.
या प्रसंगी कृषी विज्ञान केंद्र, बाभळेश्वर येथील पशुसंवर्धन विभागाचे प्रमुख डॉ. व्ही. एम. विखे, प्रमुख शास्त्रज्ञ डॉ. एस. एस. देशमुख तसेच पशुधन विकास अधिकारी डॉ. जगदीश खेडकर यांनी लाभार्थ्यांना मार्गदर्शन करून प्रमाणपत्रे प्रदान केली.
या प्रशिक्षण साठी चे नियोजन ए.एस.के. फाऊंडेशन मुंबईचे सहाय्यक उपाध्यक्ष श्री. सिद्धार्थ आयर व प्रकल्प व्यवस्थापक श्री. अरुण बांबळे, बायफ संस्थेचे वरिष्ठ कार्यक्रम व्यवस्थापक श्री. सुरेश सहाणे यांच्या मार्गदर्शनाखाली बायफ चे श्री. विष्णू चोखंडे, श्री. राम कोतवाल,श्री. मच्छिंद्र मुंढे,श्री. सौरभ खाडे यांनी केले.
