राज्यातील नगरपरिषद आणि नगरपंचायत कर्मचारी यांचे प्रलंबित प्रश्नाबाबत मुख्यमंत्री शिंदे यांना निवेदन
(हेमंत देशमुख)
उरण रायगड
उरण येथील कामगार नेते आणि समाजसेवक संतोष पवार यांनी मुखयमंत्री एकनाथ शिंदे यांची भेट घेतली कामगारांच्या समस्या आणि प्रमुख मागण्या संदर्भात यावेळी विस्तृत चर्चा झाली
मुख्यमंत्री श्री एकनाथ शिंदे यांची आमदार श्री योगेश कदम यांच्या समवेत श्री संतोष पवार मुख्य संघटक महाराष्ट्र राज्य, नगरपरिषद नगरपंचायत संघर्ष समिती यांनी. विधान भवन मुंबई येथे प्रत्यक्ष भेट घेतली आणि राज्यातील सर्व नगरपरिषदा आणि नगर पंचायती मधील जे प्रश्न राज्य सरकारकडे प्रलंबित आहेत. त्या प्रश्नांच्या सोडवणुकीसाठी सर्व संबंधित उच्च अधिकारी पदाधिकारी यांच्या समवेत बैठक आयोजित करण्याची मागणी केली आहे.
या निवेदनावर मुख्यमंत्री श्री एकनाथ शिंदे यांनी बैठक लावण्या संदर्भात लेखी आदेश संबंधित विभागाला दिल्यामुळे राज्यातील नगरपरिषद आणि नगरपंचायत कर्मचारी यांचे प्रलंबित प्रश्न सोडविण्यासाठी निश्चित मार्ग निघेल अशी आशा राज्यातील कामगार कर्मचारी यांना आहे.
