दत्तात्रय शिंदे
. दि. १५ जुलै रोजी सकाळी ११.३० वाजता महालक्ष्मी
हिवरे येथील वसंत डॅनियल गाडे रा. महालक्ष्मी
हिवरे यांच्या राहत्या घराच्या मागील बाजूस
वेगवेगळ्या प्रकारच्या गोवंश जातीचे जनावरे
कत्तली साठी डांबून ठेवले असल्याची खबर
पोलिसांना मिळाली.
ही खबर मिळताच सोनई पोलीस ठाण्याचे
सहाय्यक पोलीस निरीक्षक माणिक चौधरी,
पो.स.इ. राजेंद्र थोरात, पो. हे. कॉ. दत्ता गावडे,
स.फौ.काकासाहेब राख यांनी तातडीने त्या
ठिकाणी अवैधरित्या डांबून ठेवलेले एकुण सतरा
जनावरांसह चार वासरे असे एकूण दोन लाख
बावीस हजार किमतीची गोवंश जातीचे जनावरे
ताब्यात घेवून त्यांना पाथर्डी तालुक्यातील मढी येथील
दिपक महाराज काळे यांच्या गोशाळेत दाखल केले
डॉ. आप्पासाहेब बाबासाहेब नाईकवाडी रा.
तांदुळनेर ता. राहुरी प्राणी कल्याण अधिकारी मुंबई
उच्च न्यायालय महाराष्ट्र शासन यांनी दिलेल्या
फिर्यादीवरून वसंत डॅनियल गाडे रा. महालक्ष्मी
हिवरे याचे विरुद्ध महाराष्ट्र प्राणी संरक्षण अधिनियम १९९५ चे कलम ५,५(ब),९सह प्राण्यांना क्रूरतेने
वागविण्यास प्रतिबंध अधिनियम १९६० चे कलम
३,११(१)(च) (ज) (झ) प्रमाणे सोनई पोलीस
ठाण्यात गुन्हा दाखल करण्यात आला आहे.
पुढील तपास सहायक फौजदार. काकासाहेब राख हे करत आहेत.
