नाशिक प्रतिनिधी /डॉ. शाम जाधव
नाशिक: ग्राहकांच्या हक्कांसाठी कार्यरत असलेल्या ग्राहक रक्षक समितीचा वर्धापन दिन व पुरस्कार सोहळा रविवार, २२ डिसेंबर २०२४ रोजी हॉटेल सेलीब्रेटा, शिखरेवाडी, नाशिक रोड येथे मोठ्या उत्साहात संपन्न झाला.
या भव्य कार्यक्रमाला अनेक मान्यवरांची उपस्थिती लाभली. प्रमुख पाहुणे म्हणून नाशिक लोकसभा मतदार संघाचे खासदार मा. श्री. राजाभाऊ वाजे, मराठा विद्या प्रसारक समाजाचे सरचिटणीस मा. श्री. अॅड. नितीन ठाकरे, बाळशास्त्री जांभेकर पत्रकार संघाचे अध्यक्ष डॉ. महेंद्र देशपांडे, नाशिकचे पोलीस आयुक्त मा. श्री. संदीप कर्णिक, ग्राहक तक्रार निवारण आयोगाच्या अध्यक्ष मा. मंदाकिनी भोसले, अन्न व औषध प्रशासन सहआयुक्त मा. श्री. महेश चौधरी, मंत्राज् ग्रीन रिसोर्सेसचे डॉ. यु. के. शर्मा आणि वैध मापन शाखेचे उपनियंत्रक मा. श्री. अनिल गिरनारे यांनी कार्यक्रमाची शोभा वाढवली.
कार्यक्रमाची सुरुवात स्वागत गीताने झाली. यानंतर प्रमुख पाहुण्यांनी दीपप्रज्वलन करून कार्यक्रमाचे उद्घाटन केले. डॉ. सौ. आशाताई पाटील यांनी ग्राहक रक्षक समितीच्या कार्यावर प्रकाश टाकत ग्राहकांसाठी समितीने केलेल्या उपक्रमांची माहिती दिली.
पुरस्कार वितरण सोहळ्यात विविध क्षेत्रांतील उल्लेखनीय कामगिरी करणाऱ्या मान्यवरांचा सन्मान करण्यात आला. यामध्ये सामाजिक कार्य, ग्राहकहितसंबंधित योगदान, प्रशासन, व पत्रकारिता क्षेत्रातील कामगिरीबद्दल पुरस्कार प्रदान करण्यात आले.
कार्यक्रमाचे निमंत्रक व आयोजकांनी उपस्थित मान्यवरांचे स्वागत केले व सर्व उपस्थितांचे आभार मानले.
कार्यक्रमानंतर सर्वांना सुरुची भोजनाचा आस्वाद घेता आला.
ग्राहक रक्षक समितीचा हा सोहळा ग्राहकहितासाठी प्रेरणादायी ठरला असून, उपस्थित मान्यवरांनी समितीच्या उपक्रमांचे कौतुक केले
