दत्तात्रय शिंदे
– पोलीस अधीक्षक अहमदनगर यांनी जिल्ह्यातील अवैध अग्नीशस्त्रे व हत्यारे विरुद्ध जास्तीत जास्त कारवाई
करणे बाबत आदेशित केले होते. त्यानुसार स्थानिक गुन्हे शाखेचे पोलीस निरीक्षक दिनेश आहेर यांनी पोहेकॉ दत्तात्रय हिंगडे, बापुसाहेब फोलाणे, दत्तात्रय गव्हाणे, शदर बुधवंत, पोना रविंद्र कर्डीले, ज्ञानेश्वर शिंदे,संदीप दरंदले, पोका राहुल सोळंके व चा पो हेकॉ अर्जुन बडे अशांना जिल्ह्यातील अवैध अग्नीशस्त्रे व हत्यारा बाबत माहिती घेताना पो.नि. दिनेश आहेर यांना गुप्त बातमीदारामार्फत माहिती मिळाली की विशाल महाडीक रा. राहुटी हा साथीदारासह गावठी कट्टा व जिवंत काडतुसे बाळगुन त्याची विक्री करण्यासाठी काळया रंगाच्या मोटार सायकलवर घोडेगांव ते अहमदनगर रोडवरील मातोश्री लॉजिंग परिसरात येणार आहे अशी खात्रीशिर बातमी मिळाल्याने पो नि दिनेश आहेर यांनी प्राप्त माहिती पथकास कळविली व पंचाना सोबत घेवुन सदरची कारवाई केली.
पथकाने लागलीच नगर घोडेगांव रोडने मातोश्री लॉजिंग परिसरात जावुन सापळा लावुन थांबले असता थोडाच वेळात पल्सर मोटार सायकलवर दोन संशयीत इसम लॉज जवळ येवुन थांबले. पथकास त्यांची हालचाल संशयास्पद वाटल्याने दोघांना शिताफिने ताब्यात घेतले. ताब्यातील संशयीतांना पोलीस पथकाचीओळख सांगुन त्यांचे नाव गांव विचारले असता त्याने त्याचे नाव विशाल संजीत महाडीक वय 32, टा. मानोरी, ता. राहुरी व सागर साहेबराव खांदे वय 23, रा. येवला आखाडा, ता. राहुरी असे असल्याचे सांगितले. त्याची पंचा समक्ष अंगझडती घेता त्यांचे अंगझडतीमध्ये एक गावठी बनावटीचा कट्टा व दोन जिवंत काडतुस मिळुन आले.
आरोपी सागर साहेबराव खांदे हा सराईत गुन्हेगार असुन त्यांचे विरुध्द ओतुर, पोलीस स्टेशन जिल्हा पुणे गु.र.नं. 414 / 2022 भादविक 394 प्रमाणे जबरी चोरीचा गुन्हा दाखल आहे.
त्याबाबत त्यांचेकडे विचारपुस करता त्यांनी गावठी कट्टा व जिवंत काडतुस विक्री करण्याचे उद्देशाने आणल्याची
कबुली दिल्याने दोन्ही आरोपींना 30,000 /- रुपये किंमतीचा एक गावठी बनावटीचा कट्टा, 1,000 /- रुपये किंमतीचे दोन जिवंत काडतुस व 50,000 /- रुपये किंमतीची काळे रंगाची हिरो होंडा कंपनीची एक स्प्लेंडर मोटार सायकल असा एकुण 81,000/- रुपये किंमतीचा मुद्देमाल बेकायदेशिरित्या कब्जात बाळगताना मिळून आल्याने सदर बाबत पो ना 185 ज्ञानेश्वर नामदेव शिंदे यांनी स्थानिक गुन्हे शाखा, अहमदनगर यांनी सोनई येथे दिलेल्या फिर्यादीवरुन गु.र.नं. 437 / 2023 आर्म अॅक्ट 3/25,7 प्रमाणे गुन्हा दाखल करण्यात आलेला आहे. पुढील कायदेशिर कार्यवाही सोनई पोलीस स्टेशन करीत आहे.
सदरची कारवाई राकेश ओला पोलीस अधीक्षक, अहमदनगर स्वाती भोर अपर पोलीस अधिक्षक, श्रीरामपुर, सुनिल पाटील उपविभागीय पोलीस अधिकारी, शेवगांव विभाग यांचे सुचना व मार्गदर्शनाखाली स्थानिक गुन्हे शाखेचे पोलीस अधिकारी व अंमलदार यांनी केली.
