विजय खंडागळे
सोनई प्रतिनिधी
—गोवा राज्याचे मुख्यमंत्री प्रमोद सावंत हे आज ( २६ रोजी) शनिवारी १२ वाजल्याच्या दरम्यान शनिशिंगणापूरला येऊन शनिदेवाची विधिवत पूजा करून शनिदर्शन घेतले.
नवी दिल्ली येथील सुप्रीम कोर्टचे न्यायमूर्ती डॉ. डी. वाय. चंद्रचूड हे देखील सकाळी साडेआठच्या सुमारास मोटारीच्या ताफ्यात शनिशिंगणापूरात दाखल होऊन विधिवत पूजा करून शनिदेवाचे दर्शन घेतले.त्यानंतर न्यायमूर्ती चंद्रचूड हे शिर्डीकडे रवाना झाले.
या प्रसंगी शेवगावचे उपविभागीय पोलीस अधीक्षक सुदर्शन मुंढे ,डी. वाय. एस.पी.संदीप मिटके यांच्या मार्गदर्शनाखाली शनिशिंगणापूर चे स.पो.नि.रामचंद्र कर्पे, सोनईचे स.पो.नि.सचिन बागुल यांच्या पथकाने चोख बंदोबस्त ठेवला होता.
देवस्थानचे अध्यक्ष भागवत बानकर,प्रा.शिवाजी दरदले,बाळासाहेब बोरुडे,सरचिटणीस आप्पासाहेब शेटे यांनी मुख्यमंत्री प्रमोद सावंत व सुप्रीम चे न्यायमूर्ती डॉ. चंद्रचूड यांचे स्वागत केले.मंत्री शंकरराव गडाख यांच्या नेतृत्वाखाली शनिशिंगणापूर परिसरात विकसित कामाची पाहणी करून प्रशंसा केली.
शनिशिंगणापूरात दिवसेंदिवस भाविकांची मोठी गर्दी होत आहे.
