विलास तुपे
राजूर /प्रतिनिधी
कळसुबाई हरिश्चंद्रगड अभयारण्यात वन्यजीव सप्ताहनिमित्त भटक्यांच्या पंढरीत भटक्यांचे संमेलन घाटघर इको-सिटी येथे आयोजित करण्यात आले . सदर संमेलनाचे उदघाटन मुंबई येथील प्रसिद्ध गिर्यारोहक राजेश गाडगीळ,नाशिक येथील गिर्यारोहक संजय अमृतकर, डॉ.नितिन बस्ते,पुण्याचे ओंकार ओक,संगमनेरचे श्रीकांत कासर,रमाकांत डेरे व .गणेश रणदिवे,सहाय्यक वनसंरक्षक यांचे हस्ते करण्यात आले.
. सदर शिबीरात गिर्यारोहण करणारे तज्ञ तसेचं स्थानिक आदिवासी युवक व गाईड,आणि वनविभाग या तीनही घटकांनी एकत्र येवुन शाश्वत पर्यटन करणे व पर्यटकांना सोई सुविधा देणे यावर चर्चा झाली.
राजेश गाडगीळ यांनी स्थानिक युवकांना आपली गुणवत्ता वाढवून पर्यटकांना चांगली सुव्यवस्था देणेबाबत सांगितले.तसेच डॉ. बस्ते यांनी सदर क्षेत्रात रॅपलींग अकॅडमी, योगासेंटर व विविध विषयांचे फोटोग्राफी इव्हेंट चालु करण्यासाठी सुचना केली.यासाठी सदरचा भंडारदरा परिसर योग्य असुन सदर कामे झाल्यास पर्यटनाला चालना मिळेल असे सांगितले.
श्रीकांत कासट यांनी गडकिल्यांचे जतन करणे आवश्यक असुन गडकिल्यांचे पावित्र्य राखावे अशी सूचना केली तर डॉ. हेमंत बोरसे यांनी वनविभाग व ग्रामस्थ एकत्र आल्यास फार मोठा बदल घडवु शकतात असे सांगुन पर्यटन वाढीसाठी सर्वांनी प्रयत्न करण्याचे गरजेचे आहे असे सांगून
स्थानिक ग्रामस्थ व पर्यटनाचा व्यवसाय करणारे तरुणांनी पर्यटन वाढीसाठी वनविभागास सहकार्य करणार असल्याचे सांगितले.
संजय अमृतकर यांनी शिक्षित गाईड असायलाचं हवेत.त्यासाठी प्रशिक्षण शिबरे व साहसी शिक्षण घेऊन त्यासाठी प्रयत्न करायला हवेत, यासाठी प्रयत्न करायला हवेत असे नमूद केले.
गणेश रणदिवे, सहाय्यक वनसंरक्षक यांनी अभयारण्यात पर्यटन वाढीसोबत वन्यजीवांचे संरक्षण व संवर्धन तसेच निसर्गाचा समतोल राखणे गरजेचे असले पाहिजे .त्यासाठी स्थानिक व पर्यटक यांचा समन्वय साधण्यासाठी वनविभाग प्रयत्नशील आहे
सदर कार्यक्रमात आदिवासी नृत्य सादर करुन स्थानिक आदिवासी संस्कृतीची ओळख सगळयांना करुन दिली.
सदर प्रदर्शनात आभार प्रदर्शन अमोल आडे,वनपरिक्षेत्र यांनी तर सुत्रसंचलन दत्तात्रय पडवळे यांनी केले सदर कार्यक्रम यशस्वी होणे साठी , बी.एस.मुठे, वनपाल, आर. एम. सोनार, एम.जी. पाटील, वनरक्षक, जी. ए. दिवे, सी.बी. तळपाडे, श्रीमती . ए. आर. शिंदे, कु. एम. ए. सरोदे, वनरक्षक यांनी सहकार्य केले.
