प्लास्टिक पिशवी ऐवजी कापडी पिशवी वापरा’ पाडाळणे गावात राबविला जनजागृतीपर उपक्रम!
अकोले प्रतिनिधी
: ग्रामविकास व पंचायत राज विभागाच्या सशक्त पंचायत – समृद्ध महाराष्ट्र मुख्यमंत्री समृद्ध पंचायतराज अभियाना अंतर्गत पाडळणे ग्रामपंचायतीच्या वतीने ‘प्लास्टिक पिशवीऐवजी कापडी पिशवी वापरा’ हा जनजागृतीपर उपक्रम राबविण्यात आला. हा उपक्रम तालुक्याचे गटविकास अधिकारी श्री. अमरजी माने, विस्तार अधिकारी संजयजी चौरे व गहिरे साहेब,यांच्या मार्गदर्शनाखाली यशस्वीपणे पार पडला.
या कार्यक्रमास ग्रामसेवक, सरपंच, उपसरपंच, ग्रामपंचायत कर्मचारी, महिलावर्ग, बचत गटाच्या महिला, स्थानिक ग्रामस्थ तसेच गावातील शाळेतील विद्यार्थी व शिक्षक मोठ्या संख्येने उपस्थित होते.
या प्रसंगी पर्यावरण प्रेमी राहुल प्रभाकर राऊत (मवेशी) यांना प्रमुख मार्गदर्शक म्हणून आमंत्रित करण्यात आले होते. त्यांनी प्लास्टिकचा मानवी जीवनावर व पर्यावरणावर होणारा घातक परिणाम सविस्तरपणे स्पष्ट केला.
प्लास्टिकमुळे होणारे प्रदूषण व आरोग्यावरील दुष्परिणाम याबाबत मार्गदर्शन करत कापडी पिशवीचा वापर करण्याचे आवाहन त्यांनी केले. तसेच विद्यार्थ्यांना “शून्य टक्के प्लास्टिक” ही संकल्पना समजावून सांगत पर्यावरणपूरक जीवनशैली अंगीकारण्याचा संदेश दिला.
या कार्यक्रमाच्या यशस्वीतेसाठी पाडळणे ग्रामपंचायतीच्या सरपंच श्रीमती रोहिणीताई बगाड, उपसरपंच श्री. विकासची तळेकर, सदस्य शिवाजी उगले, बुधा असवले, भाऊसाहेब मधे, शीला तळेकर, रूपाली सावंत, पेसा मोबिलायझर सौ. नंदा सुपे, पेसा अध्यक्ष श्री. चंद्रकांत शेंगाळ, मुख्याध्यापिका पडवळे मॅडम, बारामते सर, ग्रामस्थ भाऊ पाटील तळेकर, प्रथमेश तळेकर, संतोष तळेकर, सर्व अंगणवाडी सेविका, आशा सेविका, शालेय विद्यार्थी तसेच ग्रामपंचायत अधिकारी श्री. एस. एस. तळपाडे, शेलद ग्रामपंचायतीचे ग्रामविकास अधिकारी श्री. वायळ भाऊसाहेब, गिताराम तळेकर, ग्रामपंचायत कर्मचारी आकाश नवले, रामचंद्र बगाड, रवींद्र तळेकर यांचे मोलाचे सहकार्य लाभले.
या उपक्रमामुळे ग्रामस्थांमध्ये प्लास्टिकमुक्त जीवनशैलीबाबत जनजागृती निर्माण झाली असून, पाडळणे ग्रामपंचायतीच्या या उपक्रमाचे सर्वत्र कौतुक होत आहे.
