अकोले प्रतिनिधी –
आढळा खोऱ्यातील गणोरे आणि पंचक्रोशीत सध्या कांदा लागवड मोठ्या प्रमाणावर सुरू आहे त्यांतच विजेच्या लपंडाव सुरू आहे. विजेच्या लपंडावाला शेतकरी पुरता वैतागून गेला आहे. दिवसा विद्युत पुरवठा असताना कामाच्या नावाखाली दिवस दिवस वीज खंडित झाल्याने गणोरे आणि पंचक्रोशीतील शेतकऱ्यांच्या कांदा लागवड मोठ्या प्रमाणावर सुरू असताना विजेअभावी पाणी भरता येत नाही.
कांदा रोपांची लागवड केली असल्याने रोपे जळण्याचे प्रमाण वाढन्याची शक्यता वाढली असून कांद्याला वेळेत पाणी भरणे गरजेचे असल्याने, शेतकऱ्यांच्या रोषाला वीज वितरण विभागाला सामोरे जावे लागत आहे. सदर वीज पुरवठा सुरळीत सुरू झाला नाही,तर शेतकऱ्यांसोबत स्वाभिमानी शेतकरी संघटना आंदोलनाच्या पवित्र्यात आहे. असा इशारा स्वाभिमानी शेतकरी संघटनेचे तालुका अध्यक्ष सुशांत आरोटे,उपाध्यक्ष सुनील पुंडे, कार्याध्यक्ष संतोष उगले टेलर, युवक अध्यक्ष शुभम आंबरे, डोंगर गावचे सामाजिक कार्यकर्ते सुनील उगले, तसेच पंचक्रोशीतील शेतकऱ्यांनी दिला आहे. रात्रीचे बिबटे ह्या भागात मुक्तसंचार करत असल्याने कांदा लागवड कालावधीमध्ये दिवसा पूर्ण दाबाने वीज पुरवठा सुरळीत करण्यात यावा. अन्यथा शेतकरी व वीज वितरण विभाग यांच्यातील संघर्ष वाढू शकतो. वीज वितरण विभागाने गणोरे व पंचक्रोशीतील वीज पुरवठा सुरळीत करण्यात यावा. अशी मागणी स्वाभिमानी शेतकरी संघटना व पंचक्रोशीतील शेतकऱ्यांनी केली आहे. आपली विजेची जी काही दुरुस्तीची कामे असतील ती शक्यतो रात्रीच्या वेळेस करून शेतकरी वर्गाला सहकार्य करावे. जेणे करून शेतकऱ्यांचे नुकसान होणार नाही. पूर्ण दिवस वीज पुरवठा खंडित झाल्याने पाणी भरता येत नाही. रात्रीच्या वेळेस बिबट्यांची संख्या जास्त असल्याने त्याही त्रासाला शेतकऱ्यांना सामोरे जावे लागत आहे. तरी वीज वितरण विभागाने शेतकऱ्यांच्या रोषाला सामोरे न जाता वीज पुरवठा सुरळीत सुरू करावा.
शेतकऱ्यांच्या मोठ्या प्रमाणावर कांदा लागवड सुरू असून विजेच्या लपंडाव सुरू असल्याने रोपे जळून जाण्याची शक्यता निर्माण झाली असून शेतकऱ्यांचे मोठे नुकसान होऊ शकते.याची जाणीव ठेवून वीज वितरण विभागाने शेतकऱ्यांना वीज पुरवठा सुरळीत करून द्यावा. रात्रीच्या काळात बिबट्यांची संख्या जास्त असल्याने तोही धोका पाणी भरताना शेतकऱ्यांना आहेच. वीज पुरवठा सुरळीत करून सहकार्य करावे अन्यथा शेतकऱ्यांसोबत स्वाभिमानी शेतकरी संघटना आंदोलनात उतरेल.
श्री सुशांत आरोटे
तालुकाध्यक्ष,स्वाभिमानी शेतकरी संघटना, अकोले
