संजय साबळे
संगमनेर प्रतिनिधी:
संगमनेर शहरात ऊसाच्या ट्रॅक्टरखाली सापडून अमृतवाहिनी अभियांत्रिकी कॉलेज तरुणीचा मृत्यू दुर्दैवी मृत्यू झाला
शहरातील जुन्या पोस्ट ऑफिस जवळ ऊसाच्या ट्रॅक्टर अपघातात सापडून वैष्णवी साहेबराव गुंजाळ, (रा. गुंजाळवाडी वय १९ वर्ष) या तरुणीचा मृत्यू झाला
जखमी वैष्णवीला उपचारार्थ दवाखान्यात दाखल करण्यात आलं, त्यापूर्वीच वैष्णवीचा मृत्यू झाला होता. अपघातानंतर सदर ऊसाचा ट्रॅक्टर संगमनेर शहर पोलिसांनी पोलीस स्टेशनला आणला.
वैष्णवी ही आपल्या स्कुटी वरून जात असताना हा अपघात घडला, संगमनेरच्या अमृतवाहिनी अभियांत्रिकी महाविद्यालयात वैष्णवी द्वितीय वर्षात कॉम्प्युटर इंजिनिअरिंगचे शिक्षण घेत होती, वैष्णवी अपघातात मयत झाल्याची माहिती समजतात नातेवाईकांनी एकच हंबरडा फोडला. याप्रकरणी संगमनेर शहर पोलीस ठाण्यात अकस्मात मृत्यूची नोंद करण्यात आली असून, ट्रॅक्टर चालकावर गुन्हा दाखल केला जाणार असल्याची माहिती संगमनेर शहर पोलीस ठाण्याचे पोलीस निरीक्षक राजेंद्र भोसले यांनी दिली.
