अकोले प्रतिनिधी
इन्स्टिट्यूट ऑफ चार्टर्ड अकाउंटंट ऑफ इंडिया (आयसीएआय) यांच्या वतीने सन २०२४ मध्ये घेण्यात आलेल्या सी.ए. फायनल परीक्षेत यश अजय जाजू याने यश मिळविले आहे.
महाराष्ट्र प्रदेश माहेश्वरी सभेचे जनसंपर्क मंत्री पत्रकार अजय व सौ. मेघा जाजू यांचा सुपुत्र यश ने १२ वी (विज्ञान) पर्यंतचे शिक्षण पूर्ण केल्यानंतर सी.ए. करण्याचा निर्णय घेतला. अल्प कालावधीत वाणिज्य शाखेचे ज्ञान आत्मसात करून सी. ए. फाऊंडेशन ची परीक्षा प्रथम प्रयत्नात उत्तीर्ण झाला.
दरम्यान सी. ए. फायनल परीक्षेच्या तयारी सोबतच सी.एस. (कंपनी सेक्रेटरी) च्या प्रवेश परीक्षेसह फस्ट ग्रुप उत्तीर्ण झाला असून आता सी.एस. (कंपनी सेक्रेटरी) ची फायनल परीक्षा देखील देणार आहे.
यश ने त्याचा शैक्षणिक प्रवास स्वतःच मार्ग शोधून पूर्ण केला. जिद्द व चिकाटीच्या आधारावर सी.ए. उत्तीर्ण होणाऱ्या यश ने आपल्या यशाचे श्रेय आई-वडील, गुरुजन व मित्र परिवार यांना दिले आहे.
यश ने आर्टिकलशिप ए. के. चोरडिया अँड कंपनी, नासिक येथे केली. प्रथम प्रयत्नात व चांगल्या गुणांनी सी. ए. परीक्षा उत्तीर्ण झाल्याबद्दल यश चे सर्वत्र कौतुक होत आहे.
