शिर्डी ( प्रतिनिधी )
भारतीय जनता पार्टी उत्तर नगर जिल्ह्याच्या अध्यक्षपदी श्री नितिन दिनकर यांची निवड करण्यात आली.
भारतीय जनता पार्टी उत्तर नगर जिल्हाध्यक्ष विठ्ठलराव लंघे हे शिवसेनेत गेल्यामुळे त्यांच्या जागी रिक्त झालेल्या पदावर नेवासा तालुक्यातील श्री नितीन दिनकर यांची निवड प्रदेशाध्यक्ष ना. चंद्रशेखर बावनकुळे यांनी केली आहे.
श्री नितिन दिनकर हे नेवासा येथील राष्ट्रीय स्वयंसेवक संघ, बजरंग दल, विश्व हिंदू परिषद या माध्यमातून एक कट्टर हिंदुत्ववादी नेता अशी त्यांची प्रतिमा आहे. त्यामुळे या पदावर त्यांची निवड करण्यात आली आहे. श्री दिनकर यांनी यापूर्वी नेवासा तालुका अध्यक्ष, जिल्हा सरचिटणीस, श्रीरामपूर विधानसभा प्रमुख, प्रदेश प्रवक्ता, शिर्डी लोकसभा विस्तारक, शिर्डी लोकसभा संयोजक असे अनेक पदावर काम करून पदाला न्याय दिला आहे.
त्यांच्या निवडीचे सर्वत्र स्वागत होत आहे. निवडीबद्दल मुख्यमंत्री ना. देवेंद्र फडणवीस यांचे हस्ते त्यांचा सत्कार करण्यात आला. जलसंपदा मंत्री ना. राधाकृष्ण विखे पाटील, विधानपरिषद सभापती ना. राम शिंदे सर, माजी खासदार सुजय दादा विखे पाटील, माजी आमदार वैभवराव पिचड, स्नेहलता कोल्हे, माजी जिल्हाध्यक्ष राजेंद्र गोंदकर, जिल्हा सरचिटणीस सिताराम भांगरे, नितीन कापसे, रवी बोरावके, युवा मोर्चा प्रदेश सचिव श्रीराज डेरे, सोशल मीडिया सेल जिल्हा संयोजक भाऊसाहेब वाकचौरे, युवा मोर्चा जिल्हाध्यक्ष योगेश गोंदकर, महिला मोर्चा जिल्हाध्यक्ष कांचन मांढरे, एस सी आघाडी जिल्हाध्यक्ष दिलीप त्रिभुवन, सचिन तांबे, उपाध्यक्ष सचिन देसरडा, अशोक पवार, विनोद राक्षे, महिला मोर्चा जिल्हा सरचिटणीस शुभांगी सप्रे आदींनी त्यांच्या निवडीचे स्वागत केले आहे.
