नाशिक प्रतिनिधी
रोटरी क्लब ऑफ नासिक तर्फे आरोग्य सैनिकांसाठी आयोजित केले मोफत आरोग्य शिबीर घेण्यात आले पर्यावरण दिवसाचे औचित्य साधून रोटरी क्लब ऑफ नासिक व नाशिक महानगर पालिका श्रमिक संघ यांच्या संयुक्त विद्यमाने नाशिक महानगरपालिकेतील घंटा गाडी सफाई कामगारांसाठी अर्थात आरोग्य सैनिकांसाठी मोफत आरोग्य तपासणी शिबीर रोटरी हॉल नासिक येथे आयोजित करण्यात आले होते.
हे आरोग्य सैनिक आपल्या सर्वांच्या आरोग्य साठी आपली सेवा देत असतात आणि हे करताना त्यांच्या स्वतःच्या आरोग्य कडे त्यांचं कळत नकळत दुर्लक्ष होत असते , त्यामुळे भविष्यात काही गंभीर आजारांना त्यांना सामोरे जावे लागू नये म्हणून या आरोग्य शिबिराचे आयोजन करण्यात आले होते. शिबिरामध्ये शंभराहून अधिक आरोग्य सैनिकांची व त्यांच्या कुटुंबीयांची मोफत तपासणी करण्यात आली.ह्या शिबिरासाठी डॉ.आवेश पलोड , संचालक ,घनकचरा व्यवस्थापन नाशिक मनपा यांची प्रमुख उपस्थिती होती. रोटरी क्लब ऑफ नासिक तर्फे तज्ज्ञ डॉक्टरांच्या टीमने या तपासणी शिबिरात सहभाग घेतला.
रोटरी क्लब ऑफ नासिकच्या अध्यक्षा डॉ.श्रीया कुलकर्णी , डॉ.ओजस कुलकर्णी , डॉ.हर्षल आढाव , ,डॉ. अंजना महाजन , डॉ. चंद्रकांत संकलेचा ,डॉ.नागेश मदनूरकर,डॉ. रचना चिंधडे , डॉ. महेश मंगळूरकर, डॉ.हितेंद्र महाजन, डॉ.सुनिता संकलेचा, डॉ.रुशिका पटेल, डॉ.अंजली कूलकणींं, डॉ.प्रतिमा कानडे या निष्णात डॉक्टर्सनी तपासणी केली.
वाढता ताणतणाव, जीवनशैलीमधील बदल यामुळे तरूणांपासून वृद्धांमध्ये मधूमेह, रक्तदाब आणि हृदयविकार अशा समस्यांचा धोका वाढला आहे. हृदयविकाराच्या झटक्यानंतर तात्काळ उपचार मिळणे गरजेचे आहे. कारण झटक्यानंतर हॉस्पिटला पोहचण्यापर्यंतचा प्रत्येक मिनिट त्या व्यक्तीसाठी गरजेचा असतो. तीव्र झटक्यानंतर श्वासोश्वास चालू नसणार्‍या रुग्णाला सीपीआर म्हणजेच cardio-pulmonary-resuscitation मदतीचे ठरते. यामुळे रक्ताभिसरण आणि श्वसन नियमित होऊन पुढील मदत मिळेपर्यंत ती व्यक्ती जिवंत राहण्याची शक्यता वाढते. सीपीआर अभावी रुग्णाची जीवंत राहण्याची शक्यता 10% नी कमी होते. म्हणूनच तुमच्या नजीकच्या व्यक्तीला हृदयविकाराचा झटका आल्यास सी.पी.आर. कशी आणि केव्हा कराल याचे प्रात्यक्षिक डॉ अनिता नेहेते व डॉ.निनाद चोपडे यांनी करून दाखविले , उपस्थितांमधील काही शिबिरार्थींनी सुद्धा सी. पी. आर. प्रात्यक्षिकात स्वतः भाग घेऊन त्याबातीत प्राथमिक माहिती करून घेतली.
