नाशिक प्रतिनिधी
नाशिक येथील अनबाउंड स्टुडिओचे आर्किटेक जय चौहान यांना बेंगलोर येथे झालेल्या एका शानदार सोहळ्यात “२०२५ चा आर्किटेक्चर आणि इंटेरियर डिझाईन उत्कृष्ट पुरस्कार तसेच निवासी आणि रिसॉर्ट डिझाइनमधील विशेष श्रेणी पुरस्काराने सन्मानित करण्यात आले. बेंगलोर येथील ताज वेस्ट एंड या पंचतारांकित हॉटेलमध्ये हा शानदार पुरस्कार वितरण सोहळा संपन्न झाला.
ही प्रतिष्ठित मान्यता आर्किटेक जय चौहान यांच्या समर्पण, सर्जनशीलता आणि वास्तुकलेतील आवड यांचे प्रतीक आहे. ८ वर्षांच्या अनुभवासह, अनबाउंड स्टुडिओने स्वतःला एक आघाडीची डिझाइन फर्म म्हणून स्थापित केले आहे, जे क्लायंटच्या अपेक्षांपेक्षा जास्त नाविन्यपूर्ण आणि आश्चर्यकारक प्रकल्प प्रदान करते.
या उल्लेखनीय कामगिरीबद्दल आर्किटेक जय चौहान आणि संपूर्ण अनबाउंड स्टुडिओ टीमचे सर्वत्र अभिनंदन करण्यात येत आहे. जागतिक स्वरूपाचा असा हा पुरस्कार मिळाल्याबद्दल प्रतिक्रिया व्यक्त करताना आर्किटेक जय चौहान म्हणाले की
“अनबाउंड स्टुडिओची ८ वर्षे! हा टप्पा साजरा करताना मी कृतज्ञतेने भारावून गेलो आहे! 🎉 ‘२०२५ चा सर्वात आशादायक आणि सर्जनशील आर्किटेक्ट’ पुरस्कार, तसेच निवासी आणि रिसॉर्ट डिझाइनमधील विशेष श्रेणी पुरस्कार मिळाल्याबद्दल आम्हाला अभिमान आहे..
यापुढेही अनबाउंड स्टुडिओला यश मिळो अशी शुभेच्छा देतो आणि त्यांच्या भविष्यातील प्रयत्नांचे साक्षीदार होण्यासाठी उत्सुक आहोत! असेही ते म्हणाले.
जय चव्हाण हे संगमनेर येथील दैनिक आनंदचे संपादक राजेंद्रसिंह चौहान व कार्यकारी संपादक सौ. शारदादेवी चौहान यांचे जावई असून जागतिक स्तरावरील मिळालेल्या या पुरस्काराबद्दल त्यांनी त्यांचे विशेष अभिनंदन केले आहे
