शेवगाव प्रतिनिधी
जमिनीच्या पोटी शासन मोजणी करून जमिनीचा सुधारित नकाशा देण्यासाठी आठ हजाराची लाच घेणारा शेवगाव भूमि अभिलेख कार्यालयातील कर्मचारी अँटी करप्शन च्या जाळ्यात अडकला
अमरापूर, ता-शेवगाव जि.अहमदनगर येथील तक्रारदारांच्या तक्रारीनंतर
भूमी अभिलेख कार्यालय शेवगाव,जि. अहमदनगर या कार्यालयातील प्रदीप शंकर महाशिकारे,वय-46 वर्षे,पद-भूकर मापक, वर्ग -३, असे या कर्मचाऱ्यांचे नाव आहे
त्याने अमरापूर, ता-शेवगाव जि.अहमदनगर येथील तक्रारदारा कडे १००००/-₹ लाचे ची मागणी केली होती तडजोडी अंती ₹ ८०००/- ठरली
ही लाचेची रक्कम स्वीकारताना आज ता.१४/११/२०२२ रोजी लोकसेवक प्रदीप शंकर महाशिकारे यास रंगेहात पकडले
.तक्रारदार यांचे आजोबा यांचे नावे अमरापूर,ता.शेवगाव शिवारातील शेत गट न.180 मध्ये असलेल्या 21 गुंठे जमिनीची भुमी अभिलेख कार्यालय, शेवगाव यांचेकडून मोजणी करुन घेतली होती. मोजणी नुसार खातेदार यांचे पोट हिस्से करुन हद्दीच्या खुणा दर्शविन्यात आल्या होत्या,त्याचा सुधारित नकाशा देण्याकरिता यातील आरोपी लोकसेवक हे ₹ १०,०००/- ची लाचेची मागणी करत असले बाबत तक्रारदार यांनी दिलेल्या तक्रारीवरून आज रोजी केलेल्या लाच मागणी पडताळणी मध्ये आरोपी लोकसेवक यांनी पंचासमक्ष तक्रारदार यांचे कडे ₹ १००००/- लाचेची मागणी करुन तडजोडी अंती ₹ ८०००/- लाचेची रक्कम स्विकारण्याचे मान्य केले. त्यावरून आज दिनांक १४/११/२२ रोजी शेवगाव-ताजनापूर रोड वरील स्मशानभूमी जवळ आयोजित केलेल्या लाचेच्या सापळा कारवाई दरम्यान यातील आरोपी लोकसेवक याने पंचासमक्ष तक्रारदार यांचे कडुन ₹ ८०००/- लाचेची रक्कम स्विकारली असता आरोपी लोकसेवक यांस रंगेहाथ पकडण्यात आले.पोलीस स्टेशन शेवगाव येथे गुन्हा दाखल करण्याची कारवाई सुरू आहे.
.श्री सुनील कडासने पोलीस अधीक्षक, ला.प्र.वि, नाशिक परिक्षेत्र, नाशिक
मा. नारायण न्याहळदे सो, अपर पोलीस अधीक्षक, ला.प्र.वि नाशिक. यांच्या मार्गदर्शनाखाली
सापळा अधिकारी गहिनीनाथ गमे,पोलीस निरीक्षक, ला.प्र. वि. अहमदनगर
पर्यवेक्षण अधिकारी हरीष खेडकर, पोलीस उप अधीक्षक, ला.प्र.वि, अहमदनगर सहायक सापळा अधिकारी शरद गोर्डे पोलीस निरीक्षक, ला.प्र.वि अहमदनगर
सापळा पथक:- पोलीस हवालदार संतोष शिंदे ,पो नाईक रमेश चौधरी, विजय गंगुल, पो अंमलदार वैभव पांढरे, रविंद्र निमसे, सचिन सुद्रुक, आसाराम बटुळे, चालक पो ह. हरुन शेख, यांनी ही कारवाई केली
——-•••••••••••••••••••••••—–
सर्व नागरीकांना आवाहन करण्यात येते की,त्यांच्याकडे कोणत्याही शासकीय अधिकारी/कर्मचारी यांनी कींवा त्यांच्या वतीने खाजगी इसमाने त्यांचे कोणतेही शासकीय काम करून देण्यासाठी लाचेची मागणी केल्यास तात्काळ संपर्क साधावा.
अँन्टी करप्शन ब्युरो, अहमदनगर
दुरध्वनी- ०२४१- २४२३६७७
@ टोल फ्रि क्रं. १०६४
