राज्यातल्या पहिल्या रोड मॉडेल व्हिलेजच्या मोजणीस प्रशासकीय मंजुरी
दत्ता ठुबे
पारनेर :-ग्रामसभेच्या ऐतिहासिक निर्णयानंतर शिवपाणंद शेतरस्ता चळवळीच्या माध्यमातून राज्यातील बाभुळवाडे गाव रोड मॉडेल व्हिलेज करण्यासाठी गावात विशेष ग्रामसभा घेऊन गाव नकाशावरील शेतरस्त्यांची अधिकाऱ्यांच्या उपस्थितीत ग्रामस्थांनी गावशिवार फेरी काढत पाहणी केली.
यावेळी तालुका भुमिअभिलेखचे उपअधिक्षक माधवराव पाटील यांनी शेतरस्त्याच्या मोजणीचे आश्वासन दिले होते त्याप्रमाणे बाभुळवाडे गाव ते लाणीमावळा शिवरस्ता, बाभुळवाडे गाव ते वडझिरे शिवरस्ता, बाभुळवाडे गाव ते अळकुटी शिवरस्ता, गावठाण ते पाझर तलाव शिवरस्ता मोजणीचे दि.२३ जुलै पासून मोजणी सुरू करण्यासंदर्भातील अधिकृत पत्र पारनेर तालुका भुमिअभिलेखचे उपअधिक्षक माधवराव पाटील यांनी पत्र ग्रामस्थांकडे सुपर्द केले असुन यामध्ये भूकरमापक धमेंद्र जाधव,भूकरमापक अभय कुलकर्णी, कुंदन हराळे यांची मोजणीसाठी नियुक्ती करण्यात आली
असुन ग्रामस्थांसह शिवपाणंद शेतरस्ता चळवळीच्या पदाधिकाऱ्यांनी प्रशासनाचे आभार मानले.
पुढील तयारी रोड मॉडेल व्हिलेज बाभुळवाडे कृती समितीचे समन्वयक/सदस्य शरद पवळे,बाळासाहेब नवले, प्रमोद खणकर,गुलाबराव नवले,दिलीप बोरुडे,हनुमंत खणकर,भिवाजी जगदाळे,भाऊसाहेब पावडे,सचिन जगदाळे,सविता जगदाळे,सविता बोरुडे आदींसह बाभुळवाडे ग्रामपरिवार व महाराष्ट्र राज्य शिव पाणंद शेतरस्ता चळवळीचे पदाधिकारी करणार आहेत.याकामी तालुक्यातील विविध सामाजिक क्षेत्रातील मान्यवरांसह पत्रकार बांधवांचे विशेष मोलाचे सहकार्य लाभत असल्याचे शिवपाणंद शेतरस्ता चळवळीचे शरद पवळे यांनी सांगितले.
