संगमनेर प्रतिनिधी
बाह्य श्रोता अंतर्गत वीज वितरण मध्ये ीज कर्मचारी म्हणून कार्यरत असणाऱ्या कर्मचार्‍याचा पगार काढण्यासाठी लाच मागणार्‍या लिपिक आणि व्यवस्थापकाला लाचलुचपत प्रतिबंधक विभागाच्या पथकाने छापा टाकून रंगेहात पकडले संगमनेरात आज ही कारवाई करण्यात आली
तक्रारदार वीज कर्मचारी हे प्रथमेश इलेक्ट्रिकल कंपनी संगमनेर यांचे मार्फत उप अभियंता, म.रा.वि.वितरण कंपनी, संगमनेर (शहर) विभागात बाह्यस्त्रोत कर्मचारी म्हणून सप्टेंबर २०१८ पासून नेमण्यात आलेले आहे. प्रथमेश इलेक्ट्रिकल कंपनी ही शासनाकडे नोंदणीकृत कंपनी आहे.
तक्रारदार यांचे म.रा.वि.वि. कंपनी कडून प्रत्येक महिन्याचे वेतन प्रथमेश इलेक्ट्रिकल कंपनी कडे वर्ग केले जाते. प्रथमेश इलेक्ट्रिकल कंपनी मधील आरोपी १) सुनिल पोपट पर्बत, वय ४०, धंदा – नौकरी, व्यवस्थापक, प्रथमेश इलेक्ट्रिकल कंपनी, संगमनेर. रा. निंबाळे, ता. संगमनेर ,जि.अहमदनगर.
२) सुजाता तेजेश कांबळे, वय- ३३ धंदा- नौकरी, लिपिक, प्रथमेश इलेक्ट्रिकल कंपनी, संगमनेर,
रा- मालदाड रोड, संगमनेर, ता. संगमनेर, जि.अहमदनगर 6 यांनी
तक्रारदार वीज कर्मचारी यांचे जून महिन्याचे वेतन त्यांचे बॅंक खात्यामध्ये जमा करणे साठी ₹ ३०००/- ची मागणी करत असले बाबतची तक्रार त्यांनी लाच लुचपत .विभाग अहमदनगर यांचेकडे दिली होती . त्यांचे तक्रारीचे अनुषंगाने आज रोजी लाच मागणी पडताळणी केली दोन्हींआरोपी यांनी तक्रारदार यांचेकडे त्यांचे जून महिन्याचे वेतन बॅंक खात्यामध्ये जमा करण्यासाठी पंचासमक्ष ₹ ३०००/- ची मागणी केल्याचे निष्पन्न झाले. त्यावरून आज रोजी प्रथमेश इलेक्ट्रिकल कंपनी कार्यालयात लाचेचा सापळा लावला असता आरोपी सुजाता कांबळे यांनी तक्रारदार यांचे कडुन पंचासमक्ष ₹ ३००० /- लाचेची रक्कम स्विकारली असता त्यांना रंगेहाथ पकडण्यात आले. तसेच आरोपी सुनील पर्बत यांना सुध्दा ताब्यात घेण्यात आले असून
संगमनेर शहर पोलिस स्टेशन येथे गुन्हा दाखल करण्यात आला
श्री सुनील कडासने(, पोलीस अधीक्षक, ला.प्र.वि, नाशिक परिक्षेत्र, नाशिक)
. नारायण न्याहळदे ( अपर पोलीस अधीक्षक, ला.प्र.वि नाशिक.)सतिश भामरे, (वाचक पोलीस उपअधीक्षक, ला.प्र.वि.नाशिक परिक्षेत्र, नाशिक.) यांच्या मार्गदर्शनाखाली सापळा अधिकारी हरिष खेडकर, (पोलीस उपअधीक्षक, ला.प्र. वि. अहमदनगर.)
सापळा पथक:- पोलीस निरीक्षक शरद गोर्डे. पो अंमलदार वैभव पांढरे, बाबासाहेब कराड, चालक पो ह. हरुन शेख, यांनी ही कारवाई केली
लाच मागितल्यास सम्पर्क करा-
सर्व नागरीकांना आवाहन करण्यात येते की,त्यांच्याकडे कोणत्याही शासकीय अधिकारी/कर्मचारी यांनी कींवा त्यांच्या वतीने खाजगी इसमाने त्यांचे कोणतेही शासकीय काम करून देण्यासाठी लाचेची मागणी केल्यास तात्काळ संपर्क साधावा.
अँन्टी करप्शन ब्युरो, अहमदनगर
दुरध्वनी- ०२४१- २४२३६७७
@ टोल फ्रि क्रं. १०६४ येथें संपर्क साधावा. असे आवाहन करण्यात आले आहे
