सुनील गिते
अकोले दि २९- महाराष्ट्र विधानसभा सार्वत्रिक निवडणूक २०२४ अनुषंगाने २१६ अकोले (अ.ज.) विधानसभा मतदार संघात नामनिर्देशन पत्र भरण्याची प्रक्रिया आज दिनांक २९/१०/२०२४ रोजी पार पडली
अकोले विधानसभा निवडणूकी साठी एकूण १३ व्यक्तींनी १६ नामनिर्देशन अर्ज दाखल केले आहे .यात विद्यमान आमदार डॉ किरण लहामटे , ,जिल्हा बँकेचे संचालक अमित अशोकराव भांगरे, माजी आमदार वैभवराव पिचड ,मारुती मेंगाळ ,मधुकर तळपाडे यांचा समावेश आहे
उमेदवारी अर्ज दाखल करण्याची ही प्रक्रिया सुरू झाल्या पासून आज शेवटच्या दिवशी पर्यँत 25 उमेदवारांनी 39 उमेदवारी अर्ज घेतले मात्र 13 व्यक्तीनी 16 उमेदवारी अर्ज दाखल केले या मध्ये श्री. पांडुरंग नानासाहेब पथवे, (राष्ट्रीय समाज पक्ष,) श्री. किरण यमाजी लहामटे, (नॅशनॅलिस्ट काँग्रेस पार्टी, अजीत पवार) श्री. गणेश काशिनाथ मधे, (अपक्ष,) श्री. वैभव मधुकर पिचड, (अपक्ष), श्री. मारुती देवराम मेंगाळ, (अपक्ष), श्री. भिवा रामा घाणे, (जय हिंद जय भारत राष्ट्रीय पार्टी), श्री. मधुकर शंकर तळपाडे, (अपक्ष,) श्री. अमित अशोक भांगरे, (नॅशनॅलिस्ट काँग्रेस पार्टी शरदचंद्र पवार) तसेच अपक्ष, श्री. विलास धोंडीबा घोडे, (अपक्ष), श्री. किसन विष्णू पथवे, (अपक्ष), श्रीमती शकुंतला भाऊसाहेब धराडे, (अपक्ष), श्री. रामदास दत्तू लोटे, (अपक्ष )व श्री. भास्कर किसन भांगरे, (अपक्ष,) यांनी निवडणूक निर्णय अधिकारी श्री. अनुपसिंह यादव यांचेकडे नामनिर्देशन पत्र दाखल केले आहेत. उद्या दिनांक ३०/१०/२०२४ रोजी सकाळी ११.०० वाजल्यापासून नामनिर्देशन पत्रांची छाननी प्रक्रिया तहसील कार्यालय, अकोले (नवीन इमारत) येथे पार पडणार असल्याचे निवडणूक निर्णय अधिकारी श्री. अनुपसिंह यादव व सहायक निवडणूक निर्णय अधिकारी डॉ. सिद्धार्थ मोरे यांनी सांगितले
